ബെംഗളൂരു: ബെംഗളൂരുവിലെ രണ്ടാമത്തെ വിമാനത്താവളത്തിനായുള്ള സ്ഥലം ഏറ്റെടുപ്പ് അന്തിമ ഘട്ടത്തിലെന്ന് വ്യവസായ മന്ത്രി എം. ബി. പാട്ടീൽ അറിയിച്ചു. കൺസൾട്ടിംഗ് സ്ഥാപനമായ ഐഡെക് നടത്തിയ പഠനത്തിലൂടെ തുടക്കത്തിൽ ഏഴ് സാധ്യതയുള്ള ഭൂമികൾ കണ്ടെത്തിയിരുന്നു. എന്നാൽ നിരവധി കാരണങ്ങളാൽ ഇത് സംബന്ധിച്ച് തീരുമാനം നീണ്ടുപോയി. എന്നാൽ ഇപ്പോൾ സ്ഥലം കണ്ടെത്തൽ സംബന്ധിച്ച് അന്തിമ ഘട്ടത്തിലെത്തിയിട്ടുണ്ടെന്ന് മന്ത്രി പറഞ്ഞു.
മഹാരാഷ്ട്രയിൽ തിരഞ്ഞെടുപ്പ് ചുമതലയിലായിരുന്നു മന്ത്രി എം.ബി.പാട്ടീൽ തിരച്ചെത്തിയ ഉടൻ ഇതുമായി ബന്ധപ്പെട്ട നീക്കങ്ങൾക്ക് എയർപോർട്ട് അതോറിറ്റി ഓഫ് ഇന്ത്യയുമായി ബന്ധപ്പെടുമെന്ന് കർണാടക ഇൻഫ്രാസ്ട്രക്ചർ വകുപ്പ് അധികൃതർ അറിയിച്ചു. അടുത്തയാഴ്ച ചേരുന്ന ഉന്നതതല യോഗത്തിൽ ഇക്കാര്യത്തിൽ കർണാടക അന്തിമ തീരുമാനമെടുത്തേക്കുമെന്നാണ് സൂചന.
നിലവിൽ കെംപഗൗഡ അന്താരാഷ്ട്ര വിമാനത്താവളം ഇലക്ട്രോണിക്സ് സിറ്റി, ബൊമ്മനഹള്ളി, ബന്നാർഘട്ട, ജയനഗർ, ജെപി നഗർ, കനകപുര, മാഗഡി റോഡ്, രാമനഗര തുടങ്ങിയ പ്രദേശങ്ങളിലുള്ളവരാണ് കൂടുതലും ആശ്രയിക്കുന്നത്. ബെംഗളൂരുവിൽ രണ്ടാമത്തെ വിമാനത്താവളം വന്നാൽ മറ്റുള്ളവർക്കും ഇത് പ്രയോജനപ്പെടുമെന്ന് മന്ത്രി കൂട്ടിച്ചേർത്തു.
TAGS: BENGALURU | AIRPORT
SUMMARY: Plot fixation for second airport in Bengaluru soon
