പത്തനംതിട്ട: ശബരിമല തീര്ഥാടക സംഘം സഞ്ചരിച്ച കാർ തോട്ടിലേക്ക് മറിഞ്ഞ് അപകടം. എരുമേലി മുക്കൂട്ടുതറയിൽ ഇന്ന് പുലര്ച്ചയോടെയാണ് അപകടം. സംഭവത്തിൽ മൂന്ന് പേർക്ക് പരുക്കേറ്റു. ശബരിമലയില് ദര്ശനം കഴിഞ്ഞ് മടങ്ങുകയായിരുന്ന ബെംഗളൂരു സ്വദേശികള് സഞ്ചരിച്ചിരുന്ന വാഹനമാണ് അപകടത്തില്പ്പെട്ടത്.
പരുക്കേറ്റവരില് ഒരാളെ കോട്ടയം മെഡിക്കല് കോളേജ് ആശുപത്രിയിലും മറ്റ് രണ്ട് പേരെ മുക്കൂട്ടുതറയിലെ സ്വകാര്യ ആശുപത്രിയിലുമാണ് പ്രവേശിപ്പിച്ചത്. ഡ്രൈവര് ഉറങ്ങി പോയതാണ് അപകട കാരണമെന്നാണ് വിവരം. മോട്ടോർ വാഹന വകുപ്പിൻ്റെ സേഫ് സോൺ അധികൃതർ എത്തിയാണ് രക്ഷാപ്രവർത്തനം നടത്തിയത്. സംഭവത്തിൽ പോലീസ് കേസെടുത്തു.
TAGS: SABARIMALA | ACCIDENT
SUMMARY: Sabarimala pilgrims injured in car accident
