ബെംഗളൂരു: കബ്ബൺ പാർക്കിലെ വാഹന പ്രവേശന നിയമങ്ങൾ പരിഷ്കരിച്ചു. അടുത്ത മൂന്ന് മാസത്തേക്ക് ഇടവിട്ട ശനിയാഴ്ചകളിൽ വൈകുന്നേരം 7നും രാത്രി 10നും ഇടയിൽ കബ്ബൺ പാർക്കിനുള്ളിൽ ഗതാഗതം അനുവദിക്കുമെന്ന് സംസ്ഥാന ചീഫ് സെക്രട്ടറി ശാലിനി രജനീഷ് പറഞ്ഞു.
നിലവിൽ, രണ്ടാമത്തെയും നാലാമത്തെയും ശനിയാഴ്ചകളിൽ പാർക്കിനുള്ളിൽ ഗതാഗതം അനുവദിച്ചിരുന്നില്ല. എന്നാൽ ഇനിമുതൽ ഈ ദിവസങ്ങളിൽ മൂന്ന് മണിക്കൂർ വാഹന ഗതാഗതം അനുവദിക്കും. മാസത്തിലെ ആദ്യത്തെയും മൂന്നാമത്തെയും ശനിയാഴ്ചകളിൽ പാർക്കിലൂടെ പതിവുപോലെ ഗതാഗതം അനുവദിക്കും.
സെൻട്രൽ ബിസിനസ് ഡിസ്ട്രിക്റ്റിലെ തിരക്ക് കാരണം അവധി ദിവസങ്ങളിലും വാരാന്ത്യങ്ങളിലും പാർക്കിനുള്ളിൽ വാഹനങ്ങൾ അനുവദിക്കണമെന്ന് ബെംഗളൂരു ട്രാഫിക് പോലീസ് നിർദ്ദേശിച്ചിരുന്നെങ്കിലും, മലിനീകരണവും പാരിസ്ഥിതിക ദോഷവും ചൂണ്ടിക്കാട്ടി കബ്ബൺ പാർക്ക് കൺസർവേഷൻ കമ്മിറ്റി അംഗങ്ങൾ ഉൾപ്പെടെയുള്ള പതിവ് സന്ദർശകർ നിർദേശത്തെ എതിർക്കുകയായിരുന്നു.
TAGS: BENGALURU | CUBBON PARK
SUMMARY: Traffic movement inside Cubbon Park in Bengaluru to be allowed for three hours on alternate Saturdays
