തിരുവനന്തപുരം റെയിൽവേ സ്റ്റേഷനിലും നെടുമ്പാശ്ശേരി വിമാനത്താവളത്തിലും ബോംബ് വച്ചെന്നു ഭീഷണി സന്ദേശം. രണ്ടിടത്തും ബോംബ് സ്ക്വാഡിന്റെ നേതൃത്വത്തിൽ പരിശോധന തുടരുകയാണ്. തെലങ്കാനയിൽ നിന്നാണു സന്ദേശം അയച്ചതെന്നും ആളെക്കുറിച്ചു സൂചന ലഭിച്ചെന്നും അന്വേഷണം പുരോഗമിക്കുകയാണെന്നും പോലീസ് പറഞ്ഞു. കൂടുതൽ അന്വേഷണത്തിനായി പോലീസ് സംഘം തെലങ്കാനയിലേക്ക് പോവുമെന്നാണ് വിവരം. ഭീഷണിക്ക് പിന്നിലുള്ള വ്യക്തിയുടെ കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല.
ഇന്നലെ രാത്രിയോടെയാണ് ഭീഷണി സന്ദേശം അധികൃതർക്ക് ലഭിച്ചത്. പോലീസിന്റെ ഫേസ്ബുക്ക് മെസഞ്ചറിലേക്ക് ആയിരുന്നു സന്ദേശം. ഇതിന് തൊട്ട് പിന്നാലെ പോലീസ് വിമാനത്താവളത്തിലും റെയിൽവേ സ്റ്റേഷനിലും പരിശോധന നടത്തുകയായിരുന്നു.
കഴിഞ്ഞ ഏതാനും ദിവസങ്ങളായി രാജ്യത്തെ പ്രധാന റെയിൽവേ സ്റ്റേഷനുകൾ, വിമാനത്താവളങ്ങൾ, സ്കൂളുകൾ എന്നിവയ്ക്ക് നേരെ ഭീഷണി ഉയരുന്നുണ്ട്. ഇതിനിടെയാണ് കേരളത്തിലും ഭീഷണി സന്ദേശം ലഭിച്ചിരിക്കുന്നത്. സംഭവത്തെ ഗൗരവത്തോടെയാണ് അധികൃതർ കാണുന്നത്. അതുകൊണ്ട് തന്നെ വലിയ ജാഗ്രത തുടരുന്നുണ്ട്.
<BR>
TAGS : BOMB THREAT
SUMMARY : Bomb threat at Nedumbassery airport and Thiruvananthapuram railway station
