ബെംഗളൂരു: കേരളസമാജം മാഗഡി റോഡ് സോണിന്റെ നേതൃത്വത്തിൽ ഓണോത്സവ് 2026 ഓണാഘോഷ പരിപാടികളുടെ ഭാഗമായി കായികമേള സംഘടിപ്പിച്ചു. സോൺ അംഗങ്ങളുടെ പങ്കാളിത്തത്തോടെ നടന്ന കായികമേള ആവേശകരമായി.
നൂറ്റമ്പതിലധികം സോൺ അംഗങ്ങൾ പങ്കെടുത്ത കായികമേളയിൽ വിവിധ ഇനങ്ങളിലായി കായിക മത്സരങ്ങൾ സംഘടിപ്പിച്ചു. കുട്ടികളും മുതിർന്നവരും ഒരുപോലെ ആവേശത്തോടെ മത്സരങ്ങളിൽ പങ്കെടുത്തത് പരിപാടിക്ക് കൂടുതൽ മികവേകി. വിവിധ മത്സരങ്ങളിൽ വിജയികളായവർക്ക് മെഡലുകൾ നൽകി ആദരിച്ചു.
സോൺ ചെയർമാൻ അനിൽ കുമാർ, സിണ്ടിക്കേറ്റ് ബാങ്ക് ലേഔട്ട് ചെയർമാൻ രഘു ഷെട്ടി, പ്രോഗ്രാം കൺവീനർ പി. സനിൽ കുമാർ, കൺവീനർ ലിജു എന്നിവർ ചേർന്ന് കായികമേള ഉദ്ഘാടനം ചെയ്തു. സോൺ അംഗങ്ങളുടെ സജീവ പങ്കാളിത്തവും സഹകരണവും കായികമേളയുടെ വിജയത്തിന് പ്രധാന പങ്കുവഹിച്ചു. കായികമേള ഓണാഘോഷ പരിപാടികൾക്ക് ആവേശകരമായ തുടക്കമായി മാറി.
SUMMARY: Kerala Samajam organized a sports festival for Magadi Road Zone
