ബാസ്കറ്റ്ബോൾ പരിശീലകയെ മരിച്ച നിലയിൽ കണ്ടെത്തി

ബെംഗളൂരു: ബാസ്കറ്റ്ബോൾ പരിശീലകയെ വീട്ടിനുള്ളിൽ മരിച്ച നിലയിൽ കണ്ടെത്തി. അഡുഗോഡിക്ക് സമീപമുള്ള പൊതലപ്പ ഗാർഡനിൽ താമസിക്കുന്ന സോണിയ ആനന്ദാണ് (26) മരിച്ചത്. പ്രഭാതഭക്ഷണം കഴിച്ച് ശേഷം മുറിയിലേക്ക് പോയ സോണിയ ഉച്ചയായിട്ടും പുറത്ത് വന്നിരുന്നില്ല. ഇതോടെ മാതാപിതാക്കൾ പരിശോധിച്ചപ്പോഴാണ് മുറിയിൽ സോണിയയെ മരിച്ച നിലയിൽ കണ്ടത്.

ഉടൻ ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. ആത്മഹത്യ ആണെന്നാണ് പോലീസിന്റെ പ്രാഥമിക നിഗമനം. മുറിയിൽ നിന്ന് ആത്മഹത്യ കുറിപ്പൊന്നും ലഭിച്ചിട്ടില്ല. കഴിഞ്ഞ കുറച്ച് ദിവസങ്ങളായി സോണിയ കടുത്ത മാനസിക സമ്മർദ്ദത്തിലായിരുന്നുവെന്ന് സുഹൃത്തുക്കൾ പറഞ്ഞു. സംഭവത്തിൽ അസ്വാഭാവിക മരണത്തിനു പോലീസ് കേസെടുത്തു.

TAGS: BENGALURU
SUMMARY: Basketball coach found dead inside room