ബെംഗളൂരു: ഓടുന്നതിനിടെ കർണാടക ആർടിസി ബസിന് തീപിടിച്ചു. ബീദർ ഔറാദ് താലൂക്കിലെ കാപ്പിക്കെരെ ക്രോസിന് സമീപമാണ് അപകടമുണ്ടായത്. കല്യാണ കർണാടക റോഡ് ട്രാൻസ്പോർട്ട് കോർപ്പറേഷന്റെ (കെകെആർടിസി) ബസിനാണ് തീപിടിച്ചത്. ബീദറിൽ നിന്ന് ഔറാദിലേക്ക് പോകുകയായിരുന്നു ബസ്.
ബസിന്റെ പുറകിൽ നിന്ന് പുക ഉയരുന്നത് ശ്രദ്ധയിൽപെട്ട ഡ്രൈവർ ഉടൻ വാഹനം നിർത്തി യാത്രക്കാരെ പുറത്തിറക്കി. ഉടൻ ബസിന് തീപിടിക്കുകയായിരുന്നു. സംഭവത്തിൽ ബസ് പൂർണമായും കത്തിനശിച്ചു. ഫയർ ഫോഴ്സും പോലീസും സ്ഥലത്തെത്തിയാണ് തീയണച്ചത്. ഷോർട്ട് സർക്യൂട്ട് ആണ് അപകടകാരണമെന്ന് പോലീസ് പറഞ്ഞു. സംഭവത്തിൽ സാന്ത്പുർ പോലീസ് കേസെടുത്തു.
ಔರಾದ್ ತಾಲ್ಲೂಕಿಗೆ ಸಮೀಪದ ಕಪ್ಪೆಕೇರಿ ಬಳಿ ಬುಧವಾರ ಕಲ್ಯಾಣ ಕರ್ನಾಟಕ ಸಾರಿಗೆ ಸಂಸ್ಥೆ ಬಸ್ ನಲ್ಲಿ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡು ಧಗಧಗನೇ ಹೊತ್ತಿ ಉರಿದಿದೆ. #bidar #kkrtc @KKRTC_Journeys pic.twitter.com/Ah2j5AJdlw
— BIDAR Update (@bidarupdates) March 19, 2025
TAGS: FIRE
SUMMARY: KKRTC bus catches fire due to electrical short circuit, passengers safe
