തൃശ്ശൂർ: കേച്ചേരിയില്‍ സ്വകാര്യ ബസ് നിയന്ത്രണം വിട്ട് ബൈക്കിലും മരത്തിലും ഇടിച്ച്‌ അപകടം. കൂടാതെ അപകടത്തില്‍ ആറ് പേർക്ക് പരുക്കേറ്റു. കേച്ചേരി തലക്കോട്ടുകര സ്വദേശി അജിൻ, പാറേമ്പാടം സ്വദേശി വില്‍സണ്‍, പെരുമ്പിലാവ് കോട്ടോല്‍ സ്വദേശി സൗമ്യ, കോട്ടൂർ സ്വദേശി ബീവത്തൂ, പാലുവായി സ്വദേശി അജിൻ, വെള്ളത്തിരുത്തി സ്വദേശി സൗഭാഗ്യ എന്നിവർക്കാണ് പരുക്കേറ്റത്.
അതേസമയം കുന്നംകുളം ഭാഗത്ത് നിന്ന് തൃശ്ശൂർ ഭാഗത്തേക്ക് പോവുകയായിരുന്ന ശ്രീലക്ഷ്മി സ്വകാര്യ ബസാണ് അപകടത്തില്‍പ്പെട്ടത്. ബസ് മുമ്പിൽ പോവുകയായിരുന്ന കാറിനെ മറികടക്കാൻ ശ്രമിക്കുന്നതിനിടയാണ് അപകടം ഉണ്ടായത്. അപകടത്തില്‍ പരുക്കേറ്റവരെ കുന്നംകുളം സ്വകാര്യ ആശുപത്രിയില്‍ പ്രവേശിപ്പിച്ചു.
TAGS : LATEST NEWS
SUMMARY : Private bus loses control, hits bike and tree in accident; six injured
