ബെംഗളൂരു: ബാംഗ്ലൂര് കേരളസമാജം മല്ലേശ്വരം സോണ് ഡിമെന്ഷ്യ ഇന്ത്യ അലയ്യന്സുമായി (ഡിഐഎ) സഹകരിച്ച് അല്സിമേഴ്സ്-ഡിമെന്ഷ്യ എന്ന വിഷയത്തില് സെമിനാറും അവലോകന ക്യാമ്പും സംഘടിപ്പിച്ചു. വിദ്യാരണ്യപുര, ദോഡ്ഡ ബൊമസന്ദ്ര കെ.എന്.ഇ പബ്ലിക് സ്കൂളില് നടന്ന ക്യാമ്പ് ഡോ. അനു കെ എന്, ഉദ്ഘാടനം ചെയ്തു. സോണ് ചെയര്മാന് പോള് പീറ്റര് അധ്യക്ഷത വഹിച്ചു.
ക്യാമ്പില് മസ്തിഷ്ക്ക അവബോധം, ഓര്മശക്തി എന്നീ പരിശോധനകളും ഉണ്ടായിരുന്നു. എഴുപതോളം അംഗങ്ങള് പങ്കെടടുത്ത ക്യാമ്പിന് ഡിമെന്ഷ്യ ഇന്ത്യയില് നിന്നുള്ള മനശാസ്ത്രജ്ഞന്മാര് നേതൃത്വം നല്കി. കെ.എന്.ഇ.ട്രസ്റ്റ് സെക്രട്ടറി ജൈജോ ജോസഫ്, സമാജം അസിസ്റ്റന്റ് സെക്രട്ടറി വി എല് ജോസഫ്, സോണ് കണ്വീനര് ഉണ്ണികൃഷ്ണന്, വനിതാ വിഭാഗം അധ്യക്ഷ സുധ സുധീര്, കണ്വീനര് ശോഭ പുഷ്പരാജ്, രാജഗോപാല് എം, സി എച്ച് പദ്മനാഭന് എന്നിവര് സംസാരിച്ചു. സമാജം ജനറല് സെക്രട്ടറി റജികുമാര് ആശംസകള് അറിയിച്ചു. ഡിമെന്ഷ്യ ഇന്ത്യ അലയന്സിലെ വിദഗ്ധരെ ചടങ്ങില് ആദരിക്കുകയും ചെയ്തു.
SUMMARY: Health seminar organized
