മൈസൂരു-ബെംഗളൂരു എക്സ്പ്രസ് വേയിൽ കാറപകടത്തിൽ 4 മരണം

ബെംഗളൂരു: മൈസൂരു-ബെംഗളൂരു എക്സ്പ്രസ് വേയിലുണ്ടായ കാറപടകത്തിൽ 4 പേർ മരിച്ചു. മാണ്ഡ്യ, കെആർ പേട്ട് സ്വദേശികളായ തമന്ന ഗൗഡ(27), മുത്തുരാജ്(55), സഞ്ജു(28), സച്ചിൻ(27) എന്നിവരാണ് മരിച്ചത്. രാമനഗരയിലെ ജയപുര ഗേറ്റിനു സമീപം ഞായറാഴ്ച പുലർച്ചെയാണ് അപകടമുണ്ടായത്. രാമനഗരയിൽ ഒരു കുടുംബ ചടങ്ങിൽ പങ്കെടുക്കാൻ പോകുകയായിരുന്നു ഇവര്‍.

നിയന്ത്രണം വിട്ട കാർ റോഡരികിലെ മതിലിലേക്കു ഇടിച്ചു കയറുകയായിരുന്നു. യാത്രയ്ക്കിടെ ഡ്രൈവർ ഉറങ്ങി പോയതാണ് അപകടത്തിനു കാരണമെന്നാണ് പോലീസിന്റെ പ്രാഥമിക നിഗമനം. സംഭവത്തില്‍ രാമനഗര ട്രാഫിക് പോലീസ് കേസെടുത്തു.

SUMMARY: 4 Killed As Speeding Car Crashes Near Ramanagara