തിരുവനന്തപുരം: ഓഗസ്റ്റ് 14ന് ‘വിഭജന ഭീതി ദിനം’ ആചരിക്കണമെന്ന വിവാദ സർക്കുലറുമായി ഗവർണർ രാജേന്ദ്ര വിശ്വനാഥ് ആർലേക്കർ. ഇതുസംബന്ധിച്ച്‌ അന്ന് പരിപാടികള്‍ സംഘടിപ്പിക്കണമെന്നാണ് വെെസ് ചാൻസലർമാർക്ക് ഗവർണർ നിർദേശം നല്‍കിയിരിക്കുന്നത്. ഇന്ത്യ – പാക് വിഭജനത്തിന്റെ പശ്ചാത്തലത്തിലാണ് വിഭജന ഭീതി ദിനം ആചരിക്കുന്നത്.
2021ല്‍ പ്രധാനമന്ത്രി നരേന്ദ്രമോദിയാണ് വിഭജന ഭീതി ദിനം ആചരിക്കണമെന്ന് പ്രഖ്യാപിച്ചത്. കഴിഞ്ഞ വർഷം യുജിസിയും സമാനമായി നിർദേശം നല്‍കിയിരുന്നു. സർവകലാശാലകളില്‍ വിഭജന ഭീതി ദിനം ആചരിക്കണമെന്നായിരുന്നു നിർദേശം. ഇത്തരത്തിലാണ് സംസ്ഥാനത്തെ സർവകലാശാലകളില്‍ ഓഗസ്റ്റ് 14ന് വിഭജനഭീതി ദിനം ആചരിക്കാൻ ഗവർണർ വെെസ് ചാൻസലർമാർക്ക് നിർദേശം നല്‍കിയിരിക്കുന്നത്.
എല്ലാ വെെസ് ചാൻസലർമാരും വിദ്യാർഥികളും ദിനാചരണത്തില്‍ പങ്കെടുക്കണമെന്നാണ് സർക്കുലറില്‍ നിർദേശിച്ചിരിക്കുന്നത്. സർവകലാശാലകള്‍ക്ക് വിഷയത്തില്‍ സെമിനാറുകള്‍ സംഘടിപ്പിക്കാം. വിഭജനത്തിന്റെ ഭീകരത തുറന്ന് കാട്ടുന്ന നാടകങ്ങള്‍ സംഘടിപ്പിക്കാനും നിർദേശമുണ്ട്.
SUMMARY: ‘August 14 should be observed as Partition Fear Day’; Governor issues controversial circular
