കൊച്ചി: താരസംഘടനയായ അമ്മയില്‍ താൻ അംഗമല്ലെന്ന് വെളിപ്പെടുത്തി നടി ഭാവന. താരസംഘടനയിലെ തിര‍ഞ്ഞെടുപ്പുമായി ബന്ധപ്പെട്ട വിഷയങ്ങള്‍ അറിയില്ലെന്നും താരം പറഞ്ഞു. ഇതുസംബന്ധിച്ച വിഷയങ്ങളില്‍ പ്രതികരിക്കാനില്ലെന്നും നടി വ്യക്തമാക്കി. അമ്മയില്‍ നിന്ന് പുറത്ത് പോയവർ തിരിച്ചുവരണമെന്ന് പുതുതായി തിരഞ്ഞെടുക്കപ്പെട്ട പ്രസിഡന്റ് ശ്വേത മേനോൻ മാധ്യമങ്ങളോട് പ്രതികരിച്ചിരുന്നു.
ഡബ്ല്യുസിസി അംഗങ്ങളെ ഇരുകയ്യും നീട്ടി അമ്മ സ്വീകരിക്കുമെന്നും ശ്വേത മേനോൻ കഴിഞ്ഞ ദിവസം പ്രതികരിച്ചിരുന്നു. ഡബ്ല്യുസിസി അംഗങ്ങള്‍ പിണങ്ങി പോയിട്ടൊന്നുമില്ല എന്നായിരുന്നു ശ്വേതയുടെ നിലപാട്. അവരെല്ലാം അമ്മയുടെ കുടുംബത്തിന്റെ ഭാഗമാണ്. അവർ ഓക്കെ ആണെങ്കില്‍ ഡബ്ല്യുസിസി അംഗങ്ങളെ വ്യക്തിപരമായി കണ്ട് സംസാരിക്കാൻ താൻൻ തയ്യാറാണെന്നും തിരഞ്ഞെടുപ്പ് വിജയത്തിന് ശേഷം ശ്വേത മേനോൻ പ്രതികരിച്ചിരുന്നു.
SUMMARY: Bhavana says she is not a member of AMMA; has nothing to say about the election
WhatsApp
Telegram
