ബെംഗളൂരു: ബെംഗളൂരു വിജയനഗർ മേരി മാതാ ദേവാലയത്തിൽ ഇടവക മധ്യസ്ഥയായ പരിശുദ്ധ കന്യക മറിയത്തിന്റെയും വിശുദ്ധ ഗീവർഗീസ് സഹദായുടെയും മൂന്ന് ദിവസം നീണ്ടുനില്‍ക്കുന്ന സംയുക്ത തിരുനാളിന് കോടിയേറി. മണ്ഡ്യാ രൂപത വികാരി ജനറാൾ മോൺ. ജെയിംസ് കുന്നാംപടവിൽ തിരുനാൾ കൊടിയേറ്റ് നിർവഹിച്ചു. തുടർന്ന് വിശുദ്ധ കുർബാനക്കും തിരുക്കർമ്മങ്ങൾക്കും വികാരി ജനറാൾ മോൺ. ജെയിംസ് കുന്നാംപടവിൽ, വികാരി ഫാ സെബാസ്റ്റ്യൻ പൊന്നാറ്റിൽ എന്നിവർ കാർമികത്വം വഹിച്ചു.
ശനിയാഴ്ച വൈകീട്ട് 6 മണിക്ക് വിശുദ്ധ കുർബാനക്കും തിരുക്കർമങ്ങൾക്കും ഫാ. സെബാസ്റ്റ്യൻ ചീരംവേലിൽ കാർമികത്വം വഹിക്കും. തുടർന്ന് ലദീഞ്ഞും പ്രദക്ഷിണവും ഉണ്ടായിരിക്കും.
പ്രധാന തിരുന്നാൾ ദിവസമായ 17 ന് രാവിലെ 8 മണിക്ക് തിരുനാൾ റാസ കുർബാനക്കു ഫാ. വിനീത് മേക്കൽ മുഖ്യ കാർമികത്വം വഹിക്കും. ഫാ. തോമസ് ഞൊണ്ടിക്കൽ വചന സന്ദേശം നൽകും. ഫാ. ജിൻസൺ വല്ല്യാറമ്പത്ത്, ഫാ. സെബാസ്റ്റ്യൻ പൊന്നാറ്റിൽ എന്നിവർ സഹ കാർമികരാകും. തുടർന്ന് ലദീഞ്, ആഘോഷമായ തിരുന്നാൾ പ്രദക്ഷിണം, സമാപന ആശീർവാദം, സ്‌നേഹവിരുന്ന് എന്നിവ ഉണ്ടായിരിക്കും.
SUMMARY: Feast started at Vijayanagar sacred Mary church
