കൊല്ലം: നിലമേലില്‍ രണ്ട് കാറുകള്‍ കൂട്ടിയിടിച്ചുണ്ടായ അപകടത്തില്‍ രക്ഷാപ്രവർത്തനം നടത്തി ആരോഗ്യ മന്ത്രി വീണാ ജോർജ്. നിലമേല്‍ വഴി സഞ്ചരിക്കുകയായിരുന്ന മന്ത്രി അപകട വിവരം അറിഞ്ഞ് വാഹനം നിർത്തി പുറത്തിറങ്ങി പരുക്കേറ്റവർക്ക് വേണ്ട സഹായം നല്‍കി. പരുക്കേറ്റവരെ ഉടൻതന്നെ ആശുപത്രിയില്‍ എത്തിക്കാനുള്ള സൗകര്യങ്ങള്‍ ഒരുക്കി.
ഒമ്പതുപേർക്കാണ് അപകടത്തില്‍ പരുക്കേറ്റത്. മന്ത്രിയുടെ പൈലറ്റ് വാഹനത്തിലും ആംബുലൻസിലുമായി പരുക്കേറ്റവരെ കടയ്‌ക്കല്‍ താലൂക്ക് ആശുപത്രിയില്‍ എത്തിച്ചു. പരുക്കേറ്റവർക്ക് വിദഗ്ദ്ധ ചികിത്സ നല്‍കാൻ ആശുപത്രി അധികൃതർക്ക് മന്ത്രി നിർദേശവും നല്‍കി.
SUMMARY: Minister Veena George conducts rescue operations at the scene of a vehicle accident on the ground
