ബെംഗളൂരു: ബെംഗളൂരുവിലെ പേയിങ് ഗസ്റ്റ് സ്ഥാപനത്തിൽ അതിക്രമിച്ചുകടന്ന് കത്തികാട്ടി ഭീഷണിപ്പെടുത്തി 21കാരിയായ യുവതിക്കുനേരേ ലൈംഗികാതിക്രമം. ഓഗസ്റ്റ് 29ന് ബിടിഎം ലേഔട്ടിലാണ് സംഭവം നടന്നത്. സംഭവത്തിന് ശേഷം ഇയാള് ഓടി രക്ഷപ്പെട്ടു. സുദ്ദുഗുണ്ടേപാളയ പോലീസ് സ്റ്റേഷനില് യുവതി പരാതി നല്കി. പരാതിയിൽ അക്രമിയെ കണ്ടെത്താൻ പോലീസ് തിരച്ചിലാരംഭിച്ചു. മുഖംമൂടിധരിച്ചെത്തിയയാളാണ് അക്രമംനടത്തിയതെന്ന് യുവതി പറഞ്ഞു.
പിജിയുടെ പരിസരത്തെ സിസിടിവി ദൃശ്യങ്ങളില് പുലര്ച്ചെ മൂന്നുമണിയോടെ ഒരാൾ കെട്ടിടത്തിലേക്ക് പ്രവേശിക്കുന്നതും കുറച്ച് മിനിറ്റുകൾക്ക് ശേഷം ഓടിപ്പോകുന്നതും വ്യക്തമാണ്. മറ്റെല്ലാ മുറികളും പുറത്തുനിന്ന് പൂട്ടിയാണ് ഇയാള് യുവതി ഉറങ്ങുന്ന മുറിയില് കടന്നത്. ഉറങ്ങിക്കിടക്കുമ്പോൾ ഇയാള് തന്നെ ലൈംഗികമായി ഉപദ്രവിച്ചതായും എതിർത്തപ്പോൾ കത്തി കാട്ടി ഭീഷണിപ്പെടുത്തുകയും ചെയ്തതായി പരാതിയില് പറയുന്നു. തുടർന്ന് അലമാരയിൽ നിന്ന് 2,500 രൂപ മോഷ്ടിച്ച് പ്രതി കടന്നുകളയുകയായിരുന്നു.
SUMMARY: A man entered a paying guest’s room in Bengaluru and sexually assaulted her; when she resisted, he robbed her.
WhatsApp
Telegram
