ബെംഗളൂരു: പൂജ അവധിയോടനുബന്ധിച്ചുള്ള യാത്രാ തിരക്ക് കണക്കിലെടുത്ത് ബെംഗളൂരു കന്റോൺമെന്റ്- എറണാകുളം ജംഗ്ഷന് റൂട്ടില് സ്പെഷ്യല് ട്രെയിന് അനുവദിച്ച് ദക്ഷിണ റെയില്വേ. ഇരുവശത്തേക്കുമായി നാല് ട്രിപ്പുകളാണ് നടത്തുക. ട്രെയിന് നമ്പര് 06147 ഇന്ന് വൈകിട്ട് 6.20ന് എറണാകുളം ജംഗ്ഷനില് നിന്ന് ബെംഗളൂരുവിലേക്ക് പുറപ്പെട്ടു. നാളെ രാവിലെ 8.10 ന് ട്രെയിന് ബെംഗളൂരു കന്റോണ്മെന്റില് എത്തിച്ചേരും.
ട്രെയിന് നമ്പര് 06148 ബെംഗളൂരു കന്റോണ്മെന്റ് സ്റ്റേഷനില് നിന്ന് തിങ്കളാഴ്ച രാത്രി 10.10ന് തിരിച്ച് പുറപ്പെടും. അടുത്ത ദിവസം രാവിലെ 10 മണിക്ക് എറണാകുളം ജംഗ്ഷനില് എത്തിച്ചേരും. ഒക്ടോബര് 5-ാം തീയതി ഞായറാഴ്ചയും ഇതേ രീതിയില് സര്വീസ് നടത്തപ്പെടും. പിന്നീട് ഒക്ടോബര് 6-ാം തീയതി രാത്രി ട്രെയിന് ബെംഗളൂരുവില് നിന്നും എറണാകുളം ജംഗ്ഷനിലേക്ക് മടങ്ങും. കൃഷ്ണരാജപുരം, വൈറ്റ്ഫീൽഡ്, ബങ്കാരപേട്ട്, സേലം, ഈറോഡ്, തിരുപ്പൂർ, പോഡനൂർ, പാലക്കാട്, തൃശ്ശൂര്, ആലുവ എന്നിവയാണ് ഇരുവശങ്ങളിലേക്കുമുള്ള സ്റ്റോപ്പുകള്.
SUMMARY: Pooja holiday; Bengaluru Cantonment- Ernakulam Special Train Allowed
