കൊച്ചി: മയക്കുമരുന്ന്‌ കേസിൽ പിടികൂടി സീൽ ചെയ്‌ത്‌ സ്‌റ്റേഷനിൽ സൂക്ഷിച്ച എംഡിഎംഎ മോഷ്ടിച്ച കേസിൽ എസ്‌ഐയ്‌ക്ക്‌ സസ്‌പെൻഷൻ. സെൻട്രൽ എസ്‌ഐ അനസ്‌ എസ് ത‍ൗഫീഖിനെയാണ്‌ സസ്‌പെൻഡ്‌ ചെയ്‌തത്‌. എസ്‌ഐയ്‌ക്കെതിരെ വകുപ്പ്‌ തല അന്വേഷണം ആരംഭിച്ചു. അനസിനെതിരെ എറണാകുളം സെൻട്രൽ പോലീസ്‌ കേസെടുക്കും.
ഡിസ്പോസല്‍ കമ്മറ്റിക്ക് കൈമാറാന്‍ വച്ച എംഡിഎംഎയാണ് എസ് ഐ മോഷ്ടിച്ചത്. എറണാകുളം സെന്‍ട്രല്‍ സ്റ്റേഷനിലെ അലമാരിയില്‍ സൂക്ഷിച്ച 87 ഗ്രാം എം ഡി എയില്‍ കുറച്ച് എടുത്ത ശേഷം എസ് ഐ പുറത്തേയ്ക്ക് പോകുന്നതിന്റെ സിസിടിവി ദൃശ്യങ്ങള്‍ പോലീസിന് ലഭിച്ചിരുന്നു.
ഇതിനെ തുടർന്നാണ്‌ എസ്ഐക്കെതിരെ നടപടിയെടുത്തത്‌. 15നും 26നുമിടെയിൽ എസ്‌ഐ എംഡിഎംഎ മാറ്റിയതായാണ്‌ സംശയിക്കുന്നത്‌. എംഡിഎംഎ മാറ്റിയ ശേഷം വീണ്ടും അലമാരയുടെ താക്കോൽ എസ്‌ഐ ആവശ്യപ്പെട്ടിരുന്നതായും സൂചനയുണ്ട്‌. സംശയം തോന്നിയതിനെ തുടർന്ന്‌ സിസിടിവി ദൃശ്യങ്ങൾ കേന്ദ്രീകരിച്ച്‌ നടത്തിയ അന്വേഷണത്തിലാണ്‌ എസ്‌ഐ കുടുങ്ങിയത്‌.
SUMMARY: SI suspended for stealing MDMA
