കോഴിക്കോട്: പേരാമ്പ്രയിലെ സംഘർഷത്തില് ഏഴ് യുഡിഎഫ് പ്രവർത്തകർ അറസ്റ്റില്. സംഘർഷവുമായി ബന്ധപ്പെട്ട് രജിസ്റ്റർ ചെയ്ത കേസുകളിലാണ് അറസ്റ്റ്. യുഡിഎഫ് മാർച്ചിന് നേരെയുണ്ടായ പോലീസ് അതിക്രമത്തില് ഷാഫി പറമ്പിൽ എംപിക്ക് ഉള്പ്പടെ പരുക്കേറ്റിരുന്നു.
പേരാമ്പ്ര സികെജി കോളജ് യൂണിയൻ തിരഞ്ഞെടുപ്പുമായി ബന്ധപ്പെട്ട തർക്കത്തിന് പിന്നാലെ യുഡിഎഫും എല്ഡിഎഫും നടത്തിയ റാലിയിലിലാണ് സംഘര്ഷമുണ്ടായത്. ഇതിനിടെ പോലീസ് ലാത്തി ചാർജും കണ്ണീർവാതക പ്രയോഗവും നടത്തി. തുടർന്നായിരുന്നു ലാത്തി കൊണ്ടുള്ള അടിയില് ഷാഫി പറമ്പിൽ എംപിക്കടക്കം പരുക്കേറ്റത്.
പേരാമ്പ്ര സംഘര്ഷത്തില് പോലീസുകാർക്കെതിരെ നടപടി ആവശ്യപ്പെട്ട് ഷാഫി പറമ്പിൽ എം പി പരാതി നല്കിയിരുന്നു. രണ്ട് ഡിവൈഎസ്പിമാരുടെ നേതൃത്വത്തിലുള്ള പോലീസ് മർദിച്ചെന്നും റൂറല് എസ് പി പരസ്യമായി സമ്മതിച്ച സാഹചര്യത്തില് പോലീസുകാർക്കെതിരെ അടിയന്തര നടപടിയെടുക്കണമെന്ന് ആവശ്യപ്പെട്ടാണ് പരാതി നല്കിയത്.
SUMMARY: Perambra clash: Seven UDF activists arrested
