ന്യൂഡൽഹി: അഹമ്മദാബാദ് വിമാന അപകടത്തില് മരിച്ച എയര് ഇന്ത്യ വിമാനത്തിന്റെ ക്യാപ്റ്റൻ സുമീത് സബർവാളിന്റെ പിതാവ് സുപ്രീംകോടതിയെ സമീപിച്ചു. അപകടത്തില് സുപ്രീംകോടതി മേല്നോട്ടത്തില് അന്വേഷണം നടത്തണമെന്ന് ആവശ്യപ്പെട്ടാണ് ക്യാപ്റ്റൻ സുമീതിൻ്റെ പിതാവ് സുപ്രീംകോടതിയെ സമീപിച്ചത്. ഹര്ജി ദീപാവലി അവധിക്കുശേഷം കോടതി പരിഗണിക്കും.
നിലവില് പുരോഗമിക്കുന്ന എയര്ക്രാഫ്റ്റ് ആക്സിസഡന്റ് ഇന്വെസ്റ്റിഗേഷന് ബ്യൂറോയുടെ അന്വേഷണം തൃപ്തികരമല്ലെന്നും കേന്ദ്ര സര്ക്കാര് നേരിട്ട് അന്വേഷിക്കണമെന്നും പുഷ്കരാജ് നേരത്തെ ആവശ്യപ്പെട്ടിരുന്നു. ദുരന്തത്തിന് കാരണക്കാരന് എയര് ഇന്ത്യ വിമാനത്തിന്റെ ക്യാപ്റ്റൻ സുമീതാണെന്ന ആക്ഷേപം ശക്തമായിരുന്നു.
സർദാർ വല്ലഭായ് പട്ടേല് രാജ്യാന്തര വിമാനത്താവളത്തില് നിന്ന് ലണ്ടനിലേക്ക് പുറപ്പെട്ട എയർ ഇന്ത്യയുടെ ബോയിങ് 787 8 ഡ്രീംലൈനർ വിമാനമാണ് ടേക്ക് ഓഫിനിടെ തകർന്നു വീണത്. ക്യാബിന് ക്രൂ അംഗങ്ങളടക്കം 242 പേരാണ് വിമാനത്തിലുണ്ടായിരുന്നത്. ഇതില് ഒരാളെ മാത്രമാണ് ജീവനോടെ കണ്ടെത്തിയത്.
വിമാനത്താവളത്തിന് സമീപമുള്ള ബിജെ മെഡിക്കല് കോളേജിന്റെ ഹോസ്റ്റല് കെട്ടിടത്തിലേക്കാണ് വിമാനം തകര്ന്നു വീണത്. പ്രദേശവാസികളും വിമാനം വീണ് തകർന്ന മെഡിക്കല് കോളേജ് ഹോസ്റ്റല് കെട്ടിടത്തിലുണ്ടായിരുന്ന മെഡിക്കല് വിദ്യാർഥികളും അപകടത്തില് മരിച്ചിരുന്നു.
SUMMARY: Ahmedabad plane crash: Captain Sumeet Sabharwal’s father demands Supreme Court-supervised probe
WhatsApp
Telegram
