കൊച്ചി: കൊച്ചി ഇൻഡോർ സ്റ്റേഡിയത്തില് നടക്കുകയായിരുന്ന നിരീശ്വരവാദികളുടെ കൂട്ടായ്മയായ ‘എസൻസിൻ്റെ’ പരിപാടി നിർത്തിവെച്ചു. ഇതില് പങ്കെടുക്കാന് എത്തിയ ആള് തോക്കുമായി എത്തിയതോടെയാണ് പരിപാടി നിര്ത്തിയത്. സംഭവത്തില് ഉദയംപേരൂർ സ്വദേശിയായ ഒരാളെ പോലീസ് അറസ്റ്റ് ചെയ്തിട്ടുണ്ട്.
രാവിലെ എട്ടുമണിക്ക് ആരംഭിച്ച പരിപാടിക്കിടെ തോക്കുമായി ഒരാള് പ്രവേശിതോടെയാണ് സംഘാടകർ പരിപാടി നിർത്തിവെക്കാൻ തീരുമാനിച്ചത്. രവിചന്ദ്രനും ശ്രീജിത്ത് പണിക്കരും തമ്മിലുള്ള സംവാദം നടക്കുന്നതിനിടെ പോലീസ് സ്ഥലത്തെത്തി എല്ലാവരോടും സ്റ്റേഡിയത്തിന് പുറത്തിറങ്ങാൻ നിർദ്ദേശിക്കുകയായിരുന്നു. നിലവില്, ബോംബ് സ്ക്വാഡ് ഉള്പ്പെടെയുള്ള സുരക്ഷാ വിഭാഗം സ്ഥലത്തെത്തി വിശദമായ പരിശോധന നടത്തുകയാണ്.
തോക്കുമായി പരിപാടിയിലേക്ക് പ്രവേശിച്ച ഉദയംപേരൂർ സ്വദേശിയായ യുവാവിനെയാണ് പോലീസ് കസ്റ്റഡിയില് എടുത്തിരിക്കുന്നത്. പരിപാടിയില് പങ്കെടുക്കാൻ എത്തിയ ഏഴായിരത്തോളം ആളുകള് നിലവില് സ്റ്റേഡിയത്തിന് പുറത്ത് കാത്തുനില്ക്കുകയാണ്. വൈകുന്നേരം പ്രമുഖ എഴുത്തുകാരി തസ്ലീമ നസ്രിൻ പങ്കെടുക്കാനിരിക്കെയാണ് ഇത്തരമൊരു സംഭവം നടന്നത്.
SUMMARY: Bomb threat in Kochi: ‘Essence’ event where Taslima Nasrin was scheduled to attend has been cancelled
