തിരുവനന്തപുരം: 25 വര്‍ഷത്തെ കാത്തിരിപ്പിനു ശേഷം തമിഴ്നാട്ടിലെ ഹൊസൂരില്‍നിന്ന് കേരളത്തിലേക്ക് കെഎസ്ആര്‍ടിസി ബസ് സര്‍വീസ് പുനരാരംഭിക്കുന്നു. ഹൊസൂരിൽ നിന്ന് കണ്ണൂരിലേക്കാണ് നിലവിൽ ബസ് സർവീസ് നടത്തുക. സർവീസ് വിജയിക്കുകയാണെങ്കിൽ കൂടുതൽ നഗരങ്ങളിലേക്ക് സർവീസ് തുടങ്ങും.
ആദ്യഘട്ടത്തിൽ വെള്ളി, ശനി ദിവസങ്ങളിൽ മാത്രമായിരിക്കും ബസ് സർവീസ് നടത്തുക. കെഎസ്ആര്‍ടിസി വാരാന്ത്യ സര്‍വീസ് 24 മുതല്‍ ആരംഭിക്കും. ഇത്‌ വിജയകരമായാല്‍ തൃശൂരും തിരുവനന്തപുരവും അടക്കം മറ്റു പ്രധാന നഗരങ്ങളിലേക്കും സര്‍വീസുകള്‍ ആരംഭിക്കാന്‍ സാധ്യത തേടുമെന്ന് കെഎസ്ആര്‍ടിസി അധികൃതര്‍ അറിയിച്ചു.
SUMMARY: KSRTC service from Hosur to Kerala
