ബെംഗളൂരു: ആർഎസ്എസ് റൂട്ട് മാർച്ചിൽ പങ്കെടുത്ത അധ്യാപകര്‍ക്ക് നോട്ടീസ്. ബീദറിലെ നാല് അധ്യാപകര്‍ക്കാണ് വിശദീകരണം ആവശ്യപ്പെട്ട് ഔറാദിലെ ബ്ലോക്ക് വിദ്യാഭ്യാസ ഓഫീസര്‍ നോട്ടീസ് നൽകിയത്. ഔറാദിലെ ദളിത് സേന താലൂക്ക് യൂണിറ്റും ബഹുജൻ സേവാ സമിതിയും നൽകിയ പരാതികളെ തുടർന്നാണ് നടപടി.
സർക്കാർ ജീവനക്കാർ രാഷ്ട്രീയ, മത സംഘടനകളുടെ പരിപാടികളിൽ പങ്കെടുക്കാൻ പാടില്ലെന്ന ചട്ടം ചൂണ്ടിക്കാട്ടിയാണ് നോട്ടീസ്. രേഖാമൂലം മറുപടി നൽകുന്നതിനൊപ്പം നേരിട്ടെത്തി വിശദീകരിക്കണമെന്നും അറിയിച്ചു. ഒക്ടോബർ 7, 13 തീയതികളിൽ ബീദറില്‍ നടന്ന റൂട്ട് മാർച്ചിൽ ഇവർ പങ്കെടുക്കുന്നതിന്റെ ചിത്രങ്ങൾ സാമൂഹികമാധ്യമങ്ങളിൽ പ്രചരിച്ചിരുന്നു.
SUMMARY:Show cause notices issued to four teachers for participating in RSS route march
