ബെംഗളൂരു: സംസ്ഥാനത്ത് സർക്കാർ, എയ്ഡഡ് സ്കൂളുകളിലേക്ക് 18,000 അധ്യാപകരെ റിക്രൂട്ട് ചെയ്തു വരികയാണെന്ന് വിദ്യാഭ്യാസമന്ത്രി മധു ബംഗാരപ്പ പറഞ്ഞു. സർക്കാർ സ്കൂളുകളിലേക്ക് 12,000 അധ്യാപകരെയും എയ്ഡ ഡ് സ്കൂളുകളിലേക്ക് 6,000 അധ്യാപകരെയുമാണു നിയമിക്കുന്നത്.സംസ്ഥാനത്ത് 900 പബ്ലിക് സ്കൂളുകൾ ആരംഭിക്കാൻ സർക്കാർ തീരുമാനിച്ചതായും മന്ത്രി പറഞ്ഞു.
ഓരോ പഞ്ചായത്ത് പരിധിയിലും ഒരുപബ്ലിക് സ്കൂൾ സ്ഥാപിക്കും. എൽകെജി മുതൽ പിയൂസിവരെ ഒരേ സ്ഥാപനത്തിൽ പഠിക്കാനുള്ള അവസരമാണു ലഭിക്കുന്നതെന്നും മന്ത്രി പറഞ്ഞു. കർണാടകയിലെ സർക്കാർ സ്കൂളുകളെ ശക്തിപ്പെടുത്തുക എന്ന ലക്ഷ്യത്തോടെ, സർക്കാർ സ്കൂളുകളിൽ ലോവർ കിന്റർഗാർട്ടൻ, അപ്പർ കിന്റർഗാർട്ടൻ (എൽകെജി, യുകെജി) പോലുള്ള പ്രീ-പ്രൈമറി ക്ലാസുകൾ സംസ്ഥാന സർക്കാർ ആരംഭിച്ചിട്ടുണ്ട്. സർക്കാർ സ്കൂളുകളിൽ ഗുണനിലവാരമുള്ള വിദ്യാഭ്യാസമാണ് സര്ക്കാരിന്റെ ആവശ്യമെങ്കില് പുതിയ കെട്ടിടങ്ങൾ നിർമ്മിക്കുമെന്നും സർക്കാർ സ്കൂളുകളിൽ സൗജന്യമായി വൈദ്യുതി വിതരണം ചെയ്യുന്നുണ്ടെന്നും മന്ത്രി പറഞ്ഞു. വിദ്യാർത്ഥികളുടെ ഗുണനിലവാരവും പ്രകടനവും മെച്ചപ്പെടുത്തുന്നതിനായി വൈകുന്നേരങ്ങളിൽ പ്രത്യേക ക്ലാസുകൾ നടത്തുന്നുണ്ടെന്നും അദ്ദേഹം പറഞ്ഞു.
SUMMARY: 18,000 teachers to be appointed in the state soon
WhatsApp
Telegram
