ദി​ലീ​പി​ന്‍റെ സി​നി​മ കെ​എ​സ്ആ​ര്‍​ടി​സി ബ​സി​ൽ പ്ര​ദ​ര്‍​ശി​പ്പി​ച്ച​തി​ൽ ത​ര്‍​ക്കം; യാത്രക്കാരിയുടെ പ്രതിഷേധത്തെ തുടർന്ന് നിർത്തിവയ്പ്പിച്ചു

തി​രു​വ​ന​ന്ത​പു​രം: ദി​ലീ​പി​ന്‍റെ സി​നി​മ കെ​എ​സ്ആ​ര്‍​ടി​സി ബ​സി​ൽ പ്ര​ദ​ര്‍​ശി​പ്പി​ച്ച​തി​ൽ ത​ര്‍​ക്കം. സി​നി​മ പ്ര​ദ​ര്‍​ശി​പ്പി​ച്ച​തി​നെ​തി​രെ പ്ര​തി​ഷേ​ധം ഉ​യ​ര്‍​ന്ന​തോ​ടെ ന​ട​നെ അ​നു​കൂ​ലി​ച്ചും പ്രതികൂലിച്ചും ആ​ളു​ക​ൾ എ​ത്തി​യ​താ​ണ് ത​ര്‍​ക്ക​ത്തി​ൽ ക​ലാ​ശി​ച്ച​ത്. തിരുവനന്തപുരത്ത്​ നിന്ന് കോഴിക്കോട്​​ തൊട്ടിൽപാലത്തേക്ക്​​ പോയ സൂപ്പർഫാസ്റ്റ്​ ബസിലാണ്​ സംഭവം.

ദിലീപിന്‍റെ ‘ഈ പറക്കും തളിക’ എന്ന സിനിമ ബസിൽ പ്രദർശിപ്പിക്കുകയായിരുന്നു. എന്നാൽ ഇതിനെതിരെ പത്തനംതിട്ട സ്വദേശിയായ ല​ക്ഷ്മി ആ​ർ. ശേ​ഖ​ർ എന്ന യുവതി പ്രതിഷേധമുയർത്തി​. പി​ന്നാ​ലെ യാ​ത്ര​ക്കാ​രി​ൽ ചി​ല​ര്‍ അ​തി​നെ അ​നു​കൂ​ലി​ച്ചു. തു​ട​ർ​ന്ന് ക​ണ്ട​ക്ട​ർ​ക്ക് സി​നി​മ ഓ​ഫ് ചെ​യ്യേ​ണ്ടി​ വ​ന്നു.

അ​തേ​സ​മ​യം യാ​ത്ര​ക്കാ​രി​ൽ ചി​ല​ർ ദി​ലീ​പി​ന് അ​നു​കൂ​ല​മാ​യി നി​ല​പാ​ടെ​ടു​ത്തു. കോ​ട​തി വി​ധി വ​ന്ന ശേ​ഷം ഇ​ത്ത​ര​ത്തി​ൽ സം​സാ​രി​ക്കു​ന്ന​ത് എ​ന്തി​നെ​ന്ന് ചി​ല​ര്‍ ചോ​ദി​ച്ചു. എ​ന്നാ​ൽ ഞ​ങ്ങ​ൾ സ്ത്രീ​ക​ൾ ഈ ​സി​നി​മ കാ​ണാ​ൻ താ​ൽ​പ​ര്യ​മി​ല്ലെ​ന്നാ​യി​രു​ന്നു ബ​സി​ലി​രു​ന്ന യു​വ​തി പ​റ​ഞ്ഞ​ത്.

നടിയെ ആക്രമിച്ച കേസിൽ എട്ടാം പ്രതിയായിരുന്ന ദിലീപിനെ വെറുതെ വിട്ട കോടതി വിധി വന്നതിന് പിന്നാലെ പുതിയ ചിത്രം ‘ഭ ഭ ബ’യുടെ ട്രെയ്‍ലർ പുറത്തുവിട്ടിരുന്നു. ചിത്രത്തിൽ കാമിയോ റോളിൽ മോഹൻലാലും എത്തുന്നുണ്ട്. ചിത്രത്തിൽ മോഹൻലാലും ഉണ്ടെന്ന് അറിഞ്ഞതോടെ സമൂഹമാധ്യമങ്ങളിലെ മോഹൻലാലിന്‍റെ പേജുകളിലെ കമന്‍റ് ബോക്സിൽ ചിത്രം കാണില്ലെന്ന് വ്യക്തമാക്കി നിരവധി പേർ രംഗത്തുവന്നിരുന്നു.
SUMMARY: Dileep’s film ‘Ee Parakum Thalika’ screened on KSRTC bus; stopped after protest by passenger