ബെംഗളൂരു: കേരളസമാജം ബാംഗ്ലൂര് യെലഹങ്ക സോണ് പുതുവത്സരാഘോഷം യെലഹങ്ക കണ്ട്രീ ക്ലബ്ബില് നടന്നു. കെഎന്ഇ ട്രസ്റ്റ് പ്രസിഡന്റ് സി ഗോപിനാഥന് ഉദ്ഘാടനം ചെയ്തു. സോണ് ചെയര്മാന് റജി എം ജി അധ്യക്ഷത വഹിച്ചു. സാദഹള്ളി പഞ്ചായത്ത് മുന് പ്രസിഡന്റ് മഹേഷ്, കന്നട സിനിമ ചലച്ചിത്ര താരം ചന്ദന ഗൗഡ എന്നിവര് മുഖ്യാതിഥികളായി.
കേരള സമാജം ജോയിന്റ് സെക്രട്ടറി അനില് കുമാര്, അസിസ്റ്റന്റ് സെക്രട്ടറിമാരായ വിനു ജി , വി മുരളിധരന്, സോണ് കണ്വീനര് അനീഷ് കൃഷ്ണന്, വൈസ് ചെയര്മാന് മാരായ അജയന് എം ബി, സത്യശീലന്, ഫിനാന്സ് കണ്വീനര് സുനിത വിനോദ്, ജോയിന്റ് കണ്വീനര്മാരായ ഗോകുല് പിഷാരടി,മനോജ് കുമാര്, വിപിന് രാജു, രമേഷ്,രാധാകൃഷ്ണ പിള്ള, മുകേഷ്, വനിതാ വിഭാഗം ആശ വിജയഗോപാല് തുടങ്ങിയവര് സംബന്ധിച്ചു.
ചടങ്ങില് പുതിയ ഭാരവാഹികള് സത്യപ്രതിജ്ഞ ചെയ്ത് ചുമതലയേറ്റു. വിവിധ കലാ പരിപാടികള്, ഡി ജെ പാര്ട്ടി എന്നിവ നടന്നു.
