ബെംഗളൂരു: 17-മത് ബെംഗളൂരു അന്താരാഷ്ട്ര ചലച്ചിത്ര മേളയിൽ പ്രേക്ഷക ശ്രദ്ധ നേടി മലയാള ചിത്രങ്ങളായ മോഹവും കാടും. ഇന്നലെ ലുലുമാളിലെ സിനി പോളിസിൽ ഇന്ത്യൻ മത്സരവിഭാഗത്തിലാണ് ഇരു ചിത്രങ്ങളും പ്രദർശിപ്പിച്ചത്. നിറഞ്ഞ സദസ്സിൽ ആയിരുന്നു പ്രദർശനം. കോഴിക്കോട് സ്വദേശി സുനീഷ് വടക്കുമ്പാടൻ സംവിധാനം ചെയ്ത ചിത്രം കേരള ചലച്ചിത്ര വികസന കോർപ്പറേഷനാണ് നിർമിച്ചത്. തടവ് എന്ന ചിത്രത്തിലൂടെ ശ്രദ്ധേയനായ ഫാസിൽ റസാഖ് ആണ് മോഹം ഒരുക്കിയിരിക്കുന്നത്. ബെംഗളൂരു മലയാളിയായ റസാഖ് അഹമ്മദാണ് ചിത്രം നിർമ്മിച്ചിരിക്കുന്നത്.
ചലച്ചിത്രോത്സവത്തിന്റെ നാലാം ദിവസമായ ഇന്ന് സമകാലിക സമകാലിക ലോക ചിത്രങ്ങൾ, ഏഷ്യൻ സിനിമ മത്സര വിഭാഗം, ഇന്ത്യൻ സിനിമ മത്സര വിഭാഗം, കന്നട സിനിമ മത്സര വിഭാഗം എന്നിങ്ങനെ 59 ചിത്രങ്ങളാണ് വിവിധ സ്ക്രീനുകളിലായി പ്രദർശിപ്പിക്കുന്നത്.
ഇന്നലെ അത്യപൂർവ്വമായ തിരക്കാണ് മേളയിൽ അനുഭവപ്പെട്ടത്. എല്ലാ പ്രദർശനങ്ങളും നിറഞ്ഞു കവിഞ്ഞിരുന്നു.
ഇന്നത്തെ സ്ക്രീനിങ് ഷെഡ്യൂൾ
