കള്ളനെന്ന് ആരോപിച്ച് ആൾക്കൂട്ട മർദനം; പാലക്കാട് ഇതര സംസ്ഥാന തൊഴിലാളി മരിച്ചു, മൂന്ന് പേർ കസ്റ്റഡിയിൽ

പാലക്കാട്: പാലക്കാട് വാളയാറിൽ മോഷണക്കുറ്റം ആരോപിച്ച് ആൾക്കൂട്ടം മർദ്ദിച്ചതിനെത്തുടർന്ന് ചികിത്സയിലായിരുന്ന ഇതര സംസ്ഥാന തൊഴിലാളി മരണപ്പെട്ടു. ഛത്തീസ്ഗഡ് സ്വദേശിയായ രാംനാരായണനാണ് മരിച്ചത്. സംഭവവുമായി ബന്ധപ്പെട്ട് മൂന്ന് പേരെ വാളയാർ പോലീസ് കസ്റ്റഡിയിലെടുത്തു.

ബുധനാഴ്ച ഉച്ചയോടെ ആയിരുന്നു സംഭവം. പരുക്കേറ്റ് അവശനിലയിലായ രാംനാരായണനെ വൈകുന്നേരത്തോടെയാണ് പാലക്കാട് ജില്ലാ ആശുപത്രിയിൽ പ്രവേശപ്പിച്ചത്. എന്നാൽ ചികിത്സയിലിരിക്കെ രാത്രിയോടെ മരണം സംഭവിക്കുകയായിരുന്നു.

സംഭവത്തിൽ പോലീസ് കേസെടുത്ത് വിശദമായ അന്വേഷണം ആരംഭിച്ചിട്ടുണ്ട്. മരണകാരണം സംബന്ധിച്ച കൃത്യമായ വിവരങ്ങൾ പോസ്റ്റ്‌മോർട്ടത്തിന് ശേഷം മാത്രമേ ലഭ്യമാകൂ എന്ന് പോലീസ് അറിയിച്ചു. ഇതിനായി മൃതദേഹം വെള്ളിയാഴ്ച തൃശ്ശൂർ മെഡിക്കൽ കോളേജിലേക്ക് മാറ്റും.
SUMMARY: Mob lynching on suspicion of being a thief; 3 Arrested in Palakkad