പാലക്കാട്: വെള്ളമാണെന്ന് കരുതി അബദ്ധത്തില് ആസിഡ് കുടിച്ചയാള് ചികിത്സയിലിരിക്കെ മരിച്ചു. ഒറ്റപ്പാലം വേങ്ങശേരിയിലാണ് സംഭവം. അമ്പലപ്പാറ വേങ്ങശേരി താനിക്കോട്ടില് രാധാകൃഷ്ണനാണ് മരിച്ചത്. കഴിഞ്ഞ മാസം അഞ്ചിനാണ് സെവനപ്പിന്റെ കുപ്പിയില് സൂക്ഷിച്ചിരുന്നത് ആസിഡ് ആണെന്നറിയാതെ രാഝാകൃഷ്ണൻ അതെടുത്ത് കുടിച്ചതെന്ന് ബന്ധുക്കള് പറഞ്ഞു.
ഉടൻകന്നെ ഒറ്റപ്പാലത്തുള്ള സ്വകാര്യ ആശുപത്രിയിലും തുടർന്ന് പെരിന്തല്മണ്ണയിലുള്ള ഇഎംഎസ് ആശുപത്രിയിലും പ്രവേശിപ്പിച്ചു. പിന്നീട് തൃശൂർ മെഡിക്കല് കോളേജ് ആശുപത്രിയില് ചികിത്സയിലിരിക്കെയാണ് കഴിഞ്ഞ ദിവസം രാത്രി രാധാകൃഷ്ണൻ മരിച്ചത്. ഇലക്ട്രോണിക്സ് സാധനങ്ങള് റിപ്പെയർ ചെയ്യുന്ന ഷോപ്പ് നടത്തുന്ന രാധാകൃഷ്ണൻ ജോലിയുടെ ആവശ്യത്തിനായാണ് ആസിഡ് സൂക്ഷിച്ചിരുന്നതെന്നും ബന്ധുക്കള് പറഞ്ഞു.
SUMMARY: Man dies after accidentally drinking acid thinking it was water
