കോഴിക്കോട്: ഓടിക്കൊണ്ടിരിക്കുകയായിരുന്ന കാര് തീപ്പിടിച്ച് കത്തിനശിച്ചു. വിനോദ സഞ്ചാര മേഖലയായ കോഴിക്കോട് കക്കാടംപൊയില് പാതയിലെ കള്ളിപ്പാറക്കും പീടികപ്പാറക്കും ഇടയില് വച്ചാണ് അപകടമുണ്ടായത്. ഇന്ന് ഉച്ചക്ക് ശേഷമാണ് സംഭവം നടന്നത്. റെനോള്ട്ട് ഡസ്റ്റര് മോഡല് കാറാണ് അപകടത്തില്പ്പെട്ടത്.
വാഹനത്തിലുണ്ടായിരുന്നവര് സുരക്ഷിതരാണെന്നാണ് ലഭിക്കുന്ന വിവരം. മുന്വശത്ത് നിന്നും പുക ഉയരുന്നത് കണ്ട് കാറിലുള്ളവര് പെട്ടെന്ന് തന്നെ ഇറങ്ങി. ഇതിന് പിന്നാലെ തീ പടരുകയായിരുന്നു. മുക്കം അഗ്നിരക്ഷാ നിലയത്തില് നിന്നും ഉദ്യോഗസ്ഥരെത്തി തീയണച്ചെങ്കിലും കാര് പൂര്ണമായും കത്തിനശിച്ചു. അപകട കാരണം വ്യക്തമല്ല.
SUMMARY: A car caught fire while driving in Kozhikode
