തൃശൂര്: തമിഴ്നാട്ടിലെ വാല്പ്പാറയില് പുലിയുടെ ആക്രമണത്തില് അഞ്ച് വയസുകാരന് ഗുരുതര പരുക്ക്. വീടിന്റെ വാതില്പ്പടിയില് കളിക്കുന്നതിനിടെ പുലി ആക്രമിക്കുകയായിരുന്നു. അപ്പര് പറളായി എസ്റ്റേറ്റ് പരിസരത്താണ് സംഭവം. കുട്ടിയുടെ തലയ്ക്ക് ഗുരുതരമായി പരുക്കേറ്റിട്ടുണ്ട്.
ഗുരുസ്വാമിയുടെയും നാഗജ്യോതിയുടെയും മകനാണ് പരുക്കേറ്റത്. വാൽപ്പാറ സർക്കാർ ആശുപത്രിയിൽ പ്രഥമ ശുശ്രൂഷ നൽകിയ ശേഷം വിദഗ്ധ ചികിത്സയ്ക്കായി കുട്ടിയെ കോയമ്പത്തൂരിലെ ആശുപത്രിയിലേക്ക് മാറ്റി.
തോട്ടം മേഖലകളിൽ പുലിയുടെ സാന്നിധ്യം നിത്യസംഭവമായി മാറിയിരിക്കുകയാണെന്നും, പലരും തലനാരിഴയ്ക്കാണ് രക്ഷപ്പെടുന്നതെന്നും നാട്ടുകാർ പറയുന്നു. പ്രദേശത്ത് വനംവകുപ്പ് ഉടൻ പട്രോളിങ് ശക്തമാക്കണമെന്നും കൂടുസ്ഥാപിച്ച് പുലിയെ പിടികൂടണമെന്നും ശക്തമായ ആവശ്യമുയർന്നിട്ടുണ്ട്.
SUMMARY: A five-year-old boy was seriously injured in a tiger attack in Valpara
