ബെംഗളൂരു: ബാങ്ക് ജീവനക്കാരുടെ സംഘടനകൾ ആഹ്വാനം ചെയ്ത പണിമുടക്കിൽ ബാങ്കിങ് സേവനങ്ങൾ മുടങ്ങാതിരിക്കാൻ നടപടിയുമായി കേന്ദ്രസർക്കാർ. ഞായറാഴ്ചയായ ഇന്ന് രാജ്യത്തെ ബാങ്കുകൾ തുറക്കും. യൂണിയനുകൾ എതിർക്കുന്നുണ്ടെങ്കിലും, സമരത്തിന് പിന്തുണ നൽകാത്ത ജീവനക്കാരെ ഉപയോഗിച്ച് ശാഖകൾ തുറക്കാനാണ് നീക്കം.
ബെഫി, എഐബിഇഎ, എഐബിഒസി, എൻസിബിഇ അടക്കം രാജ്യത്തെ 7 യൂണിയനുകളുടെ സംയുക്ത സംഘടനയായ യുനൈറ്റഡ് ഫോറം ഓഫ് ബാങ്ക് യൂനിയൻസ് (യു.എഫ്.ബി.യു) ആണ് പണിമുടക്കിന് ആഹ്വാനം ചെയ്തിരിക്കുന്നത്. നാളെ മുതൽ 30 വരെയാണ് പണിമുടക്ക്. തുടർന്നുള്ള ദിവസങ്ങളിൽ ബാങ്കിങ് സേവനങ്ങൾ മുടങ്ങാനിടയുള്ളതിനാൽ ശാഖകൾ പ്രവർത്തിക്കുമെന്ന് സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ), സൗത്ത് ഇന്ത്യൻ ബാങ്ക്, ഫെഡറൽ ബാങ്ക് തുടങ്ങിയ പ്രമുഖ ബാങ്കുകൾ ഉപഭോക്താക്കളെ അറിയിച്ചിരുന്നു. പൊതുമേഖലാ ബാങ്കുകൾക്ക് ശനിയും ഞായറും പ്രവർത്തിക്കാൻ റിസർവ് ബാങ്ക് നേരത്തേ അനുമതി നൽകിയിരുന്നു.
SUMMARY: Banks will open today; Three days off from tomorrow
