കോഴിക്കോട്: കൊയിലാണ്ടിയില് ഓടിക്കൊണ്ടിരുന്ന ബൈക്കിന് മുകളില് മരക്കൊമ്പ് പൊട്ടിവീണ് യുവാവിന് ഗുരുതര പരുക്ക്. കൊയിലാണ്ടി അണേല സ്വദേശി ആദര്ശി(40)നാണ് പരുക്കേറ്റത്. കഴിഞ്ഞ ദിവസം വൈകുന്നേരം നാലരയോടെ എല്ഐസി ഓഫീസിന് മുന്വശമാണ് അപകടമുണ്ടായത്.
ബൈക്കില് സഞ്ചരിക്കുകയായിരുന്ന ആദര്ശിന്റെ ദേഹത്തേയ്ക്ക് റോഡരികിലെ വലിയ പേരാലിന്റെ കൊമ്പ് അപ്രതീക്ഷിതമായി പൊട്ടിവീഴുകയായിരുന്നു. ഉടന് നാട്ടുകാരും മറ്റു വാഹന യാത്രികരും ചേര്ന്ന് യുവാവിനെ കൊയിലാണ്ടി താലൂക്ക് ആശുപത്രിയില് എത്തിച്ചു.
പരുക്ക് ഗുരുതരമായതിനാല് വിദഗ്ധ ചികിത്സക്കായി യുവാവിനെ കോഴിക്കോട് മെഡിക്കല് കോളജ് ആശുപത്രിയിലേയ്ക്ക് മാറ്റി. അപകടം നടക്കുമ്പോള് നിരവധി പേര് മരത്തിന് സമീപത്തായി ഉണ്ടായിരുന്നു. ശബ്ദം കേട്ട് പലരും ചിതറി ഓടിയതിനാല് വലിയ അപകടം ഒഴിവായി.
SUMMARY: young man was seriously injured when a tree branch fell on his bike while he was riding
