പത്തനംതിട്ട: പത്തനംതിട്ടയില് അങ്കണവാടി ജീവനക്കാരിയെ ദുരൂഹത സാഹചര്യത്തില് മരിച്ച നിലയില് കണ്ടെത്തി. മൂഴിയാർ സ്വദേശിയായ 32 വയസുകാരിയെയാണ് ഗവി മീനാറില് റോഡിന് സമീപം മരിച്ച നിലയില് കണ്ടെത്തിയത്. നാട്ടുകാരാണ് ആദ്യം മൃതദേഹം കണ്ടത്. റോഡില് നിന്ന് അല്പം മാറിയായിരുന്നു മൃതദേഹം കിടന്നത്. രാവിലെ ഗവിയിലെ വീട്ടില്നിന്ന് അംഗനവാടിയിലേക്ക് യുവതി ജോലിക്ക് പോയിരുന്നു.
വനത്തിലൂടെ മൂന്നു കിലോമീറ്റര് സഞ്ചരിച്ചാണ് അംഗനവാടിയില് എത്തേണ്ടത്. വനത്തിനകത്ത് തോട്ടിന്റെ കരയില് വസ്ത്രങ്ങള് വലിച്ചൂരിയ നിലയിലാണ് മൃതദേഹം കണ്ടെത്തിയത്. സംഭവത്തില് ഒരു ആദിവാസി യുവാവിനെ പോലീസ് കസ്റ്റഡിയില് എടുത്തു. വിവരമറിഞ്ഞ് വനംവകുപ്പ് അധികൃതര് ഉള്പ്പെടെ സ്ഥലത്തെത്തി. ഗവിയിലെ തോട്ടം തൊഴിലാളി സുരേഷ് ആണ് യുവതിയുടെ ഭര്ത്താവ്. ഇവര്ക്ക് ഒരു കുട്ടിയുമുണ്ട്. സംഭവത്തില് മൂഴിയാര് പോലീസ് കേസെടുത്ത് അന്വേഷണമാരംഭിച്ചു.
SUMMARY: Anganwadi worker found dead in Gavi; murder suspected
