പാലക്കാട്: ദേശീയപാത ഉപരോധിച്ചതുമായി ബന്ധപ്പെട്ട കേസില് ഷാഫി പറമ്പില് എംപിക്കെതിരെ കോടതി അറസ്റ്റ് വാറന്റ് പുറപ്പെടുവിച്ചു. പാലക്കാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് ഉത്തരവ്. ഷാഫിയെ അറസ്റ്റ് ചെയ്ത് ഹാജരാക്കാൻ കോടതി പോലീസിന് നിർദ്ദേശം നല്കി. 2022-ല് നടന്ന ഒരു പ്രതിഷേധവുമായി ബന്ധപ്പെട്ട് രജിസ്റ്റർ ചെയ്ത കേസിലാണ് ഈ നടപടി.
അന്ന് എംഎല്എ ആയിരുന്ന ഷാഫി പറമ്പിലിന്റെ നേതൃത്വത്തില് ദേശീയപാത ഉപരോധിച്ചിരുന്നു. ഈ കേസില് കോടതിയില് നേരിട്ട് ഹാജരാകാൻ ഷാഫി പറമ്പില് പലതവണ തയ്യാറാകാതെ വന്നതോടെയാണ് കോടതി കർശന നിലപാടിലേക്ക് നീങ്ങിയത്. ഹാജരാകാൻ നല്കിയ അവസരങ്ങള് എംപി പ്രയോജനപ്പെടുത്തിയില്ലെന്ന് കോടതി നിരീക്ഷിച്ചു. ഈ മാസം 24-ന് കേസ് വീണ്ടും പരിഗണിക്കാൻ കോടതി നിശ്ചയിച്ചിട്ടുണ്ട്. നിലവില് വടകരയില് നിന്നുള്ള എംപിയായ ഷാഫി പറമ്പിലിനെതിരെയുള്ള വാറന്റ് രാഷ്ട്രീയ വൃത്തങ്ങളിലും വലിയ ചർച്ചയായിട്ടുണ്ട്.
SUMMARY: Arrest warrant issued for Shafi Parampil MP
WhatsApp
Telegram
