തിരുവനന്തപുരം: നിയമസഭാ തിരഞ്ഞെടുപ്പിന്റെ നാമനിര്ദേശ പത്രിക സമര്പ്പിക്കാനുള്ള അവസാന തീയതി തിങ്കളാഴ്ച അവസാനിക്കാരിനിരിക്കെ പത്രിക സമർപ്പിക്കാൻ സ്ഥാനാർത്ഥികളുടെ തിരക്ക്. ഇന്ന് മന്ത്രിമാരായ വി ശിവന് കുട്ടി, പി രാജീവ്, മുഹമ്മദ് റിയാസ്, സജി ചെറിയാന് എന്നിവര് പത്രിക നല്കി. രാഷ്ട്രീയ രംഗത്തെ മറ്റ് പ്രമുഖരും കൂട്ടത്തോടെ എത്തി പത്രിക സമർപ്പിച്ചു.
ബേപ്പൂരിലെ എല്ഡിഎഫ് സ്ഥാനാർത്ഥി മുഹമ്മദ് റിയാസ്, കളമശേരിയിലെ എല്ഡിഎഫ് സ്ഥാനാർഥി പി. രാജീവ്, കടന്നപ്പള്ളി രാമചന്ദ്രൻ, കെ.കെ ശൈലജ എന്നിവരും പത്രിക നല്കി. ഹരിപ്പാട്ടെ യുഡിഎഫ് സ്ഥാനാർഥി രമേശ് ചെന്നിത്തല യുഡിഎഫ് പ്രവർത്തകർക്കൊപ്പം പ്രകടനമായെത്തി ഹരിപ്പാട് താലൂക്ക് ഓഫീസില് നാമനിർദേശ പത്രിക സമർപ്പിച്ചു.
സണ്ണി ജോസഫും പി.കെ കുഞ്ഞാലിക്കുട്ടിയും കെ. മുരളീധരനും ഉള്പ്പെടെയുള്ള യുഡിഎഫ് സ്ഥാനാർത്ഥികളും പത്രിക നല്കി. മഞ്ചേശ്വരത്തെ എൻഡിഎ സ്ഥാനാർഥി കെ. സുരേന്ദ്രൻ, നേമത്തെ സ്ഥാനാർത്ഥി രാജീവ് ചന്ദ്രശേഖര് എന്നിവരും പത്രിക നല്കി. അമ്പലപ്പുഴയില് യുഡിഎഫ് പിന്തുണയുള്ള ജി. സുധാകരനും പത്രിക നല്കി.
SUMMARY: Assembly elections; Ministers file nomination papers
WhatsApp
Telegram
