ബെംഗളൂരു: കേരളസമാജം പ്രത്യേക വര്‍ഷിക പൊതുയോഗം ഇന്ദിരാനഗര്‍ കൈരളീ നികേതന്‍ ഓഡിറ്റോറിയത്തില്‍ നടന്നു. കേരള സമാജം പ്രസിഡണ്ട് എം ഹനീഫ് അധ്യക്ഷത വഹിച്ചു. കേരള സമാജത്തിന്റെ പ്രവര്‍ത്തനനങ്ങളെ കുറിച്ച് കേരളസമാജം ജനറല്‍ സെക്രട്ടറി റജികുമാര്‍ വിശദകരിച്ചു. ട്രഷറര്‍ ജോര്‍ജ് തോമസ് കഴിഞ്ഞ സാമ്പത്തിക വര്‍ഷത്തെ കണക്ക് അവതരിപ്പിച്ചു.
കേരളസമാജം വര്‍ഷിക പൊതുയോഗം 2025-26 സാമ്പത്തിക വര്‍ഷത്തേക്ക് 7 കോടിയുടെ ബഡ്ജറ്റ് പാസാക്കി. കാരുണ്യ പ്രവര്‍ത്തനങ്ങള്‍ക്ക് ഒരു കോടി 20 ലക്ഷവും മറ്റ് സാമൂഹിക പ്രവര്‍ത്തനങ്ങള്‍ക്ക് 1.80 കോടി വകയിരുത്തിയിട്ടുണ്ട്. നാലു കോടി രൂപ കേരള ഭവന്റെ പ്രാരംഭ പ്രവര്‍ത്തനങ്ങള്‍ക്ക് വകയിരുത്തിയിട്ടുണ്ട്. അടുത്ത ഒരു വര്‍ഷം കേരളസമാജം നടത്താന്‍ പോകുന്ന പരിപാടികളും പദ്ധതികളും കഴിഞ്ഞ മാസം 19 ന് നടന്ന ജനറല്‍ ബോഡി യോഗത്തില്‍ അവതരിപ്പിച്ചിരുന്നു.
യോഗത്തില്‍ വൈസ് പ്രസിഡണ്ട് സുധീഷ് പി കെ, ജോയിന്റ് സെക്രട്ടറി അനില്‍ കുമാര്‍ ഒ.കെ, കള്‍ച്ചറല്‍ സെക്രട്ടറി മുരളീധരന്‍ വി, അസിസ്റ്റന്റ് സെക്രട്ടറി വിനു ജി, എന്നിവര്‍ സംബന്ധിച്ചു.
SUMMARY: Bangalore Kerala Samajam gets a budget of Rs. 7 crore
WhatsApp
Telegram
