ബെംഗളൂരു : ബെംഗളൂരു ചിത്രസന്തേ ഇന്ന് നടക്കും. കർണാടക ചിത്രകലാ പരിഷത്ത് കാംപസിലും സമീപത്തെ കുമാരകൃപ റോഡിലുമായി രാവിലെ ഒമ്പതു മുതൽ രാത്രി വരെയാണ് ചിത്രസന്തെ നടക്കുന്നത്. മുഖ്യമന്ത്രി സിദ്ധരാമയ്യ ഉദ്ഘാടനം നിർവഹിക്കും.
രാജ്യത്തിന്റെ വിവിധ ഭാഗങ്ങളിൽനിന്നുള്ള കലാകാരൻമാർ ഒന്നിച്ചുകൂടി ചിത്രങ്ങൾ പ്രദർശിപ്പിക്കുന്ന പരിപാടിയില് 22 സംസ്ഥാനങ്ങളിൽനിന്നുള്ള കലാകാരൻമാർ പങ്കെടുക്കും. 1420 സ്റ്റാളുകളാണ് ക്രമീകരിച്ചിട്ടുള്ളത്. വിൻഡ്സർ മാനർ ഹോട്ടൽ മുതൽ ശിവാനന്ദ സർക്കിൾ വരെയും ക്രസൻ്റ് റോഡിൻ്റെ പകുതി ഭാഗം വരെയും സ്റ്റാളുകൾ ഉണ്ടാകും.
ചിത്രസന്തെയോടനുബന്ധിച്ച് കുമാര കൃപ റോഡിൽ ഇന്ന് രാവിലെ 6 മണി മുതൽ രാത്രി 9 വരെ ഗതാഗത നിയന്ത്രണം ഏർപ്പെടുത്തിയിട്ടുണ്ട്. വിൻഡ്സൺ മാനർ ജംഗ്ഷൻ മുതൽ 9 ശിവാനന്ദ സർക്കിൾ വരെ പൂർണമായും ഗതാഗതം നിരോധിച്ചു. ചിത്ര സന്തെയ്ക്ക് എത്തുന്ന വാഹനങ്ങൾ റെയിൽവേ പാരലൽ റോഡ്, ക്രസൻ്റ് റോഡ്, റേസ് കോഴ്സ് എന്നിവിടങ്ങളിൽ പാർക്ക് ചെയ്യണം.
<br>
TAGS : CHITRASANTHE-2025
SUMMARY : Bengaluru Chitrasante today; Traffic restrictions on Kumara Krupa Road
