ബെംഗളൂരു: സമസ്ത കേരള ഇസ്ലാം മത വിദ്യാഭ്യാസ ബോര്ഡിന്റെ നാല് മുതല് എട്ടാം ക്ലാസ്സ് വരെയുള്ള പാഠപുസ്തക പരിഷ്കരണവുമായി ബന്ധപ്പെട്ട് ബെംഗളൂരു സൗത്ത് റെയിഞ്ച് മുഅല്ലിമീങ്ങള്ക്കുള്ള ട്രെയിനിങ് ശില്പശാല മടിവാളയില് നടന്നു. സമസ്ത മുഫത്തിശ് പി അബ്ദുല്ല കുഞ്ഞി ഫൈസിയുടെ പ്രാര്ത്ഥനയോടെ ആരംഭിച്ചയോഗത്തില് റഷീദ് മൗലവി ഖിറാ’അത്തും ബെംഗളൂരു സൗത്ത് റെയിഞ്ച് സെക്രട്ടറി സുഹൈല് ഫൈസി സ്വാഗതവും പറഞ്ഞു. ബെംഗളൂരു സൗത്ത് റെയിഞ്ച് പ്രസിഡണ്ട് മുസ്തഫ ഹുദവി അധ്യക്ഷത വഹിച്ചു. സമസ്ത മുദരിബ് ഹംസ ഫൈസി തോടാര് ഉദ്ഘാടനം ചെയ്തു. അധ്യാപകര്ക്കുള്ള പരിശീലനത്തിന് മുഫത്തിശ് പി അബ്ദുല്ല കുഞ്ഞി ഫൈസി, സമസ്ത ട്രെയിനര് ഇസ്മായില് ഫൈസി എന്നിവര് നേതൃത്വം നല്കി.
ബെംഗളൂരു സൗത്ത് റെയിഞ്ച് മുഅല്ലിം ഡേ ഫണ്ട് ഉദ്ഘാടനം മുസ്തഫ ഇജിപുര മുഫത്തിഷ് പി അബ്ദുല്ല കുഞ്ഞി ഫൈസിക്ക് നല്കി നിര്വഹിച്ചു. റഷീദ് മൗലവി, സത്താര് മൗലവി, മുഹമ്മദ് സഫ്വാന് ഫൈസി എന്നിവര് ട്രൈനിംഗിന് ഫീഡ്ബാക്ക് അവതരിപ്പിച്ചു.സൗത്ത് റെയ്ഞ്ച് ട്രഷറര് സലാം അലമ്പാടി ആശംസയും
ബെംഗളൂരു ജില്ലാ നിരീക്ഷകന് സമദ് മൗലവി നന്ദിയും പറഞ്ഞു.
SUMMARY: Bengaluru South Range Training Workshop
