ഛത്തീസ്ഗഢിലെ ബസ്തർ മേഖലയില് സുരക്ഷാ സേനയുമായുള്ള ഏറ്റുമുട്ടലില് ഒമ്പത് മാവോവാദികള് കൊല്ലപ്പെട്ടു. ദന്തേവാഡ, ബിജാപുർ ജില്ലകളുടെ അതിർത്തിയിലുള്ള വനത്തില് രാവിലെ 10.30 ഓടെയാണ് സുരക്ഷാ സേനയുടെ സംയുക്ത സംഘം മാവോവാദി വിരുദ്ധ ഓപ്പറേഷൻ ആരംഭിച്ചതെന്ന് ബസ്തർ റേഞ്ച് പോലീസ് ഇൻസ്പെക്ടർ ജനറല് സുന്ദർരാജ് പി.ടി. ഐയോട് പറഞ്ഞു. ജില്ലാ റിസർവ് ഗാർഡിലെയും സെൻട്രല് റിസർവ് പോലീസ് സേനയിലെയും ഉദ്യോഗസ്ഥരാണ് ഓപ്പറേഷനില് പങ്കെടുത്തത്.
പടിഞ്ഞാറൻ ബസ്തർ മേഖലയിലെ മാവോവാദികളുടെ സാന്നിധ്യത്തെക്കുറിച്ചുള്ള വിവരങ്ങളുടെ അടിസ്ഥാനത്തിലായിരുന്നു സംയുക്ത നീക്കം. വെടിവെപ്പ് വളരെ നേരം നീണ്ടുനിന്നതായും തുടർന്ന് ഒമ്പത് മാവോ വാദികളുടെ മൃതദേഹങ്ങളും ആയുധശേഖരവും സംഭവസ്ഥലത്ത് നിന്ന് കണ്ടെടുത്തതായും അദ്ദേഹം പറഞ്ഞു.
TAGS: CHHATTISGARH | MAOIST
SUMMARY: Nine Maoists were killed in an encounter with security forces in Chhattisgarh
WhatsApp
Telegram
