തിരുവനന്തപുരം: സിപിഎം സംസ്ഥാന സെക്രട്ടറി എം വി ഗോവിന്ദനെതിരേ കോണ്ഗ്രസ് നേതാവ് കെ സുധാകരന് നല്കിയ മാനനഷ്ടക്കേസ് കോടതി തള്ളി. ജനപ്രതിനിധികളുടെ കേസ് പരിഗണിക്കുന്ന പ്രത്യേക കോടതിയാണ് കേസ് തള്ളിയത്. തെളിവ് നല്കാന് കെ സുധാകരന് തുടര്ച്ചയായി നേരിട്ട് ഹാജരാകാതിരുന്നതോടെയാണ്, കേസ് തള്ളിയത്.
മോന്സണ് മാവുങ്കലിന് എതിരെ പോക്സോ കേസുമായി ബന്ധപ്പെടുത്തിയുള്ള പരാമര്ശത്തിന് എതിരെയാണ് കെ സുധാകരന് മാനനഷ്ടക്കേസ് കൊടുത്തത്. ഹൈക്കോടതിയില് അപ്പീല് നല്കുമെന്ന് സുധാകരന്റെ അഭിഭാഷകന് അറിയിച്ചു. മോന്സണ് മാവുങ്കലിനെതിരായ പോക്സോ കേസിലെ കൂട്ടു പ്രതിയാണ് കെ സുധാകരനെന്നായിരുന്നു എം വി ഗോവിന്ദന്റെ ആരോപണം.
മോന്സണ് മാവുങ്കല് പ്രായപൂര്ത്തിയാകാത്ത പെണ്കുട്ടിയെ പീഡിപ്പിക്കുന്ന സമയത്ത് അവിടെ കെ സുധാകരന് ഉണ്ടായിരുന്നുവെന്ന വാര്ത്തകളുണ്ടെന്നായിരുന്നു എംവി ഗോവിന്ദന് പറഞ്ഞിരുന്നത്. പീഡന വിവരം അറിഞ്ഞിട്ടും സുധാകരന് ഇടപെട്ടില്ലെന്നാണ് അതിജീവിതയുടെ മൊഴിയെന്നും എം വി ഗോവിന്ദന് പറഞ്ഞിരുന്നു.
SUMMARY: Court dismisses defamation case filed by K Sudhakaran against MV Govindan
