കൊച്ചി: എല്ദോസ് കുന്നപ്പിള്ളി സ്വതന്ത്രനായി മത്സരിക്കില്ല. നിയമസഭാ തിരഞ്ഞെടുപ്പിലെ സ്ഥാനാര്ഥി നിര്ണയത്തിലെ അവ്യക്തതകള് വ്യാഴാഴ്ച രാത്രിയാണ് അവസാനിച്ചത്. പെരുമ്പാവൂരില് മുന് ജില്ലാ പഞ്ചായത്ത് പ്രസിഡന്റ് മനോജ് മൂത്തേടനാണ് സ്ഥാനാര്ഥി. ഇതോടെ, തന്റെ നിരാശ എല്ദോസ് പരസ്യമായി പ്രകടമാക്കിയിരുന്നു.
ഇതിന് പിന്നാലെയാണ് സീറ്റ് നിഷേധിച്ചതിനെ തുടര്ന്ന് എല്ദോസ് കുന്നപ്പിള്ളി സ്വതന്ത്രനായി മത്സരിച്ചേക്കുമെന്ന പ്രചാരണങ്ങള് എത്തിയത്. എന്നാല് അദ്ദേഹം സ്വതന്ത്ര സ്ഥാനാര്ഥിയായി മത്സരിക്കില്ല എന്നാണ് എല്ദോസ് കുന്നപ്പിള്ളിയുമായി ബന്ധപ്പെട്ട വൃത്തങ്ങള് വ്യക്തമാക്കിയത്. അതേസമയം, സ്ഥാനാര്ഥി പ്രഖ്യാപനത്തിന് തൊട്ടു മുമ്പ് വരെ കേന്ദ്ര നേതൃത്വം തന്നെ കൈവിടില്ലെന്ന പ്രതീക്ഷയില് ആയിരുന്നു എല്ദോസ് കുന്നപ്പിള്ളി.
നേതൃത്വത്തില് വിശ്വാസമുണ്ട് എന്നായിരുന്നു എല്ദോസ് പ്രതികരിച്ചത്. സീറ്റ് ഇല്ലെങ്കിലും കോണ്ഗ്രസ് പ്രവര്ത്തകനായി തുടരുമെന്നും എല്ദോസ് കുന്നപ്പിള്ളി പ്രതികരിച്ചിരുന്നു. എല്ദോസിന് സീറ്റ് നിഷേധിച്ചതോടെ എല്ദോസിന്റെ അനുയായികള് പെരുമ്പാവൂരില് പ്രതിഷേധ പ്രകടനവും നടത്തിയിരുന്നു.
SUMMARY: Will not be an independent candidate; Eldhose Kunnappilly will remain a Congress worker
WhatsApp
Telegram
