കണ്ണൂര്: കണ്ണപുരം കീഴറയില് വാടക വീട്ടിലുണ്ടായ വന് സ്ഫോടനത്തില് രണ്ടുപേര് കൊല്ലപ്പെട്ടു. ബോംബ് നിര്മാണത്തിനിടെയായിരിക്കാം പൊട്ടിത്തെറി നടന്നത് എന്നാണ് സൂചന. ശരീരഭാഗങ്ങള് ചിന്നിച്ചിതറിയ നിലയിലാണ് കണ്ടെത്തിയത്. കൊല്ലപ്പെട്ടത് ആരാണ് എന്ന കാര്യത്തില് വ്യക്തതയില്ല. വീടിന്റെ ഒരു ഭാഗം പൂര്ണമായി തകര്ന്നു. അടുത്ത വീടുകള്ക്കും കേടുപാടുണ്ടായിട്ടുണ്ട്.
അധ്യാപകന്റെ ഉടമസ്ഥതയിലുള്ള വാടക വീട്ടിലാണ് സ്ഫോടനം ഉണ്ടായത്. രണ്ടു പേരാണ് വാടകക്ക് താമസിച്ചിരുന്നത്. പയ്യന്നൂരില് സ്പെയര് പാര്ട്സ് കട നടത്തുന്നവരാണ് ഇവരെന്നാണ് ലഭിക്കുന്ന വിവരം.
കണ്ണപുരം പോലീസും ഫയർഫോഴ്സും സംഭവസ്ഥലത്തെത്തി പരിശോധന നടത്തുകയാണ്. ബോംബ് സ്ക്വാഡും സ്ഥലത്ത് എത്തിയിട്ടുണ്ട്. സ്ഫോടനത്തിന്റെ ആഘാതത്തിൽ സമീപത്തെ വീടുകളുടെ വാതിലുകൾ തകരുകയും ചുമരുകളിൽ വിള്ളലേൽക്കുകയും ചെയ്തു. അപകടസ്ഥലത്ത് നിന്ന് പൊട്ടാത്ത സ്ഫോടക വസ്തുക്കളും കണ്ടെത്തിയിട്ടുണ്ട്.
SUMMARY: Explosion in Kannur; Two people reportedly killed, body parts scattered
