ആലപ്പുഴ: ആലപ്പുഴ മാന്നാറില് രണ്ട് കുട്ടികള്ക്ക് വിഷം നല്കിയ ശേഷം പിതാവ് ജീവനൊടുക്കി. മാന്നാർ ശിവശൈലം വെള്ളിക്കിഴക്കേതില് മനോജ് (45) ആണ് മരിച്ചത്. കുട്ടികള്ക്ക് വിഷം നല്കിയ ശേഷം സ്വയം വിഷം കഴിച്ചാണ് പിതാവ് മരിച്ചത്. മക്കള് ശിവഗംഗ, ശിവ കീർത്തന എന്നിവർ ആശുപത്രിയില് ഗുരുതരാവസ്ഥയില് തുടരുകയാണ്. സ്കൂളില് നിന്ന് വിളിച്ചുകൊണ്ടുവരുന്ന വഴിയാണ് മനോജ് കുട്ടികള്ക്ക് വിഷം നല്കിയത്.
സാമ്പത്തിക ബാധ്യതയാണ് സംഭവത്തിന് കാരണമെന്ന് പ്രാഥമിക നിഗമനം. കാറില് അബോധാവസ്ഥയില് പാലത്തിനരികില് കിടക്കുന്നത് കണ്ട നാട്ടുകാരാണ് ആശുപത്രിയില് എത്തിച്ചത്. ജ്യൂസിലാണ് പെണ്കുട്ടികള്ക്ക് അച്ഛൻ വിഷം കലക്കി നല്കിയത്. വിഷമാണെന്ന് അറിയാതെയാണ് മക്കള് ജ്യൂസ് കുടിച്ചതെന്നും പോലീസ് പറഞ്ഞു. ശിവഗംഗ ആറാം ക്ലാസിലും ശിവ കീർത്തന രണ്ടാം ക്ലാസിലുമാണ് പഠിക്കുന്നത്.
SUMMARY: Father commits suicide after poisoning daughters; children in critical condition
