ബെംഗളൂരു: പരമ്പരാഗതമായി മനുഷ്യനെ ശ്രേണീകൃതമായി വിഭജിക്കുന്ന നിഷ്ടൂര മായ ജാതിവ്യവസ്ഥയാണ് എല്ലാ പുരോഗതിയില് നിന്നും രാജ്യത്തെ പുറ കോട്ടടിക്കുന്നതെന്നും ചാതുര്വര്ണ്ണ്യവ്യവസ്ഥയെന്ന വിവേചനമില്ലാതാക്കാതെ ഇന്ത്യന് സമൂഹത്തിനു സമഭാവനയോടെ മുന്നേറാനാവില്ലെന്നും മലയാളം സര്വ്വ കലാശാല അധ്യാപകനും പരീക്ഷാ കണ്ട്രോളറും പ്രശസ്ത നോവലിസ്റ്റ്മായ ഡോ. സി. ഗണേഷ് അഭിപ്രായപ്പെട്ടു.
ബെംഗളൂരു കവിക്കൂട്ടം സംഘടിപ്പിച്ച കെ. ആര്. കിഷോറിന്റെ ‘ഡോ. ബി. ആര് അംബേദ്കര് ജീവിതവും ദര്ശനവും’ എന്ന ജീവചരിത്രവും, ‘നാടുറങ്ങാത്ത നാടക രാവുകള്’ എന്ന നോവലും പ്രകാശനം ചെയ്യുന്ന ചടങ്ങില് മുഖ്യപ്രഭാഷണം നിര്വ്വഹിക്കുകയായിരുന്നു അദ്ദേഹം.
ഇന്ത്യന് സമൂഹത്തെ തലമുറകളായി ബാധിച്ച ഏറ്റവും വലിയ മഹാരോഗ മാണ് ജാതിവ്യവസ്ഥയെ ന്നാണ് അംബേദ്കര് പറഞ്ഞത്. ജാതി എന്നല്ല ജാതിവ്യവസ്ഥ എന്നും ഇന്ത്യന് ജനതയുടെ മനസ്സില്സൃഷ്ടിക്കപ്പെട്ട മാലിന്യമാണതെന്നും ആ മാലിന്യത്തില് നിന്നും ഏതെങ്കിലും വിധത്തില് പുറത്തു കടക്കാനുള്ള സംവാദത്തിന്റെ തുറസ്സാണ് ഇത്തരം കൃതികളുടെ പ്രകാശനത്തിലൂടെ സാധ്യമാവുന്നതെന്നും അദ്ദേഹം കൂട്ടിച്ചേര്ത്തു.
നോവലിസ്റ്റും അധ്യാപകനുമായ ഡോ.സി. ഗണേഷ് പുസ്തക പ്രകാശനം നിര്വ്വഹിച്ചു. ബി.എസ്. ഉണ്ണികൃഷ്ണന് ടി. എം. ശ്രീധരന് എന്നിവര് യഥാക്രമം പുസ്തകങ്ങള് ഏറ്റുവാങ്ങി. എഴുത്തുകാരന് സുധാകരന് രാമന്തളി ചര്ച്ച ഉദ്ഘാടനം ചെയ്തു. ശാന്തകുമാര് എലപ്പുള്ളി അധ്യക്ഷത വഹിച്ചു. രമ പ്രസന്ന പിഷാരടി സ്വാഗതമാശംസിച്ചു. നവീന്. എസ്. പുസ്തകാവലോകനം നടത്തി.
ബി. എസ്. ഉണ്ണികൃഷ്ണന്, ടി. എം. ശ്രീധരന്, രാജന് ജേക്കബ്, പുസ്തകങ്ങളുടെ പ്രസാധകന് മൈത്രി ബുക്സ് ഡയറക്ടര് ലാല്സലാം, ജെ. എം. ജയചന്ദ്രന്, സിന കെ. എസ്,ഡോ.പ്രേംരാജ്, ഷംസുദ്ദീന് കൂടാളി, നാസര് നീലസാന്ദ്ര, ഗീത നാരാ യണന്, സന്തോഷ് തൈ ക്കാട്ടില്, കെ പി ശശി ധരന്, രഞ്ജിത്, തങ്കച്ചന് പന്തളം, മുഹമ്മദ് കുനിങ്ങാട്, രതിസുരേഷ്, അനീസ് സി.സി.ഒ, ടോണി തുടങ്ങിയവര് സംസാരിച്ചു.
വി കെ വിജയന് നാടക ഗാനങ്ങള് ആലപിച്ചു. ഗ്രന്ഥകര്ത്താവ് കെ.ആര് കിഷോര് മറുമൊഴി പ്രഭാഷണം നടത്തി. അര്ച്ചന സുനില് നന്ദി പറഞ്ഞു.
