ഡൽഹി: മോശം കാലാവസ്ഥയെ തുടർന്ന് ഡൽഹിയിൽ ലാൻഡ് ചെയ്യേണ്ട വിമാനങ്ങള് വഴിതിരിച്ചുവിട്ടു. ഡൽഹി വിമാനത്താവളത്തില് ഇറങ്ങേണ്ടിയിരുന്ന 15 വിമാനങ്ങളാണ് ജയ്പൂർ, ലഖ്നൗ എന്നിവിടങ്ങളിലേക്ക് വഴിതിരിച്ചുവിട്ടത്. 10 ആഭ്യന്തര സർവീസുകളും 5 അന്താരാഷ്ട്ര സർവീസുകളും തിരിച്ചുവിട്ടത്.
ശക്തമായ മഴയും കാറ്റും കാരണം അന്തരീക്ഷത്തിലെ കാഴ്ചപരിധി കുറഞ്ഞതാണ് വിമാന സർവീസുകളെ ബാധിച്ചത് സർവീസ് വിവരങ്ങള്ക്ക് വിമാന കമ്പനികളുമായി ബന്ധപ്പെടണമെന്ന് യാത്രക്കാർക്ക് കാലാവസ്ഥ വകുപ്പ് ജാഗ്രത നിർദേശം നല്കി. വഴി തിരിച്ചുവിട്ടതില് ഭൂരിഭാഗവും എയർ ഇന്ത്യ വിമാനങ്ങളാണ്.
ബംഗാള് ഉള്ക്കടലില് രൂപപ്പെട്ട ന്യൂനമർദ്ദം ശക്തിയാർജിച്ച സാഹചര്യത്തില് ഒഡീഷയിലും ബംഗാളിലും മഴ കനക്കുമെന്ന് കാലാവസ്ഥ വകുപ്പ് പുറത്തുവിട്ട മുന്നറിയിപ്പില് പറയുന്നു.
SUMMARY: Heavy rain; flights scheduled to land in Delhi diverted
