ബെംഗളൂരു: കാർ മരത്തിലിടിച്ചുണ്ടായ അപകടത്തിൽ ഒരു കുടുംബത്തിലെ മൂന്ന് പേർ ഉൾപ്പെടെ നാല് പേർക്ക് ദാരുണാന്ത്യം. രാമനഗര ദേശീയ പാത 75ൽ ചൊവ്വാഴ്ചയാണ് അപകടമുണ്ടായത്. ബെംഗളൂരു ബാഗൽഗുണ്ടെയിൽ താമസിക്കുന്ന കുനിഗൽ സ്വദേശികളായ കാർ ഡ്രൈവർ നഞ്ചുണ്ടപ്പ (56), ഭാര്യ ശാരദാമ്മ (50), അമ്മ ഭദ്രമ്മ (80), സുഹൃത്ത് നാഗരാജ് (54) എന്നിവരാണ് മരിച്ചത്.
മാഗഡിയിൽ ബന്ധുവിന്റെ സംസ്കാര ചടങ്ങിൽ പങ്കെടുത്ത ശേഷം നഗരത്തിലേക്ക് മടങ്ങവെയാണ് അപകടം. ഭദ്രപുര ഗേറ്റിലെ ഓയിൽ ഫാക്ടറിക്ക് സമീപമുള്ള വളവിൽ വെച്ച് നഞ്ചുണ്ടപ്പയ്ക്ക് കാർ നിയന്ത്രണം നഷ്ടമാവുകയും സമീപത്തെ മരത്തിൽ ഇടിക്കുകയുമായിരുന്നു. നാല് പേരും സംഭവസ്ഥലത്തുവെച്ച് തന്നെ മരിച്ചു. ഒപ്പമുണ്ടായിരുന്ന നഞ്ചുണ്ടപ്പയുടെ മകളും എംബിഎ വിദ്യാർഥിനിയുമായ കുസുമയെ (21) ഗുരുതര പരുക്കുകളോടെ നഗരത്തിലെ സ്വകാര്യ ആശുപത്രിയിലേക്ക് മാറ്റി. സംഭവത്തിൽ രാമനഗര പോലീസ് കേസെടുത്തു.
TAGS: KARNATAKA | ACCIDENT
SUMMARY: Four including three in a family dies in car accident
