ബെംഗളൂരു: ബെംഗളൂരു മെട്രോയുടെ മൂന്നാം ഘട്ട പദ്ധതിക്കായി ജിയോ ടെക്നിക്കൽ സർവേ ആരംഭിച്ചു. കെംപാപുര മുതൽ ജെപി നഗർ, മഗഡി റോഡ് എന്നിവ ഉൾപ്പെടുത്തിയാണ് സർവേ ആരംഭിച്ചത്. മൂന്നാം ഘട്ടത്തിൻ്റെ 44.65 കിലോമീറ്റർ സർവേക്കായി മൂന്ന് കമ്പനികൾക്കാണ് ബെംഗളുരു മെട്രോ റെയിൽ കോർപ്പറേഷൻ ലിമിറ്റഡ് (ബിഎംആർസിഎൽ) കരാർ നൽകിയത്.
മൈസൂരു റോഡ് സ്റ്റേഷൻ മുതൽ കണ്ഠീരവ സ്റ്റുഡിയോ സ്റ്റേഷൻ വരെ ആദ്യ കമ്പനിയും, ഹൊസഹള്ളി സ്റ്റേഷൻ മുതൽ സുങ്കടക്കട്ടെ ഡിപ്പോ വഴി കടബഗെരെ സ്റ്റേഷൻ വരെ രണ്ടാമത്തെ കമ്പനിയും ജെപി നഗർ നാലാം ഘട്ടം മുതൽ മൈസൂരു റോഡ് സ്റ്റേഷൻ വരെ മൂന്നാമത്തെ കമ്പനിയും സർവേ നടത്തും. കണ്ഠീരവ സ്റ്റുഡിയോയ്ക്കും കെംപാപുര സ്റ്റേഷനും ഇടയിൽ സർവേ നടത്തുന്നതിന് രണ്ടാമത്തെ കമ്പനിയാണ് കരാർ ഏറ്റെടുത്തത്. 1.32 കോടി രൂപയുടെ ടെൻഡറാണ് കമ്പനിക്ക് ലഭിച്ചത്. ജെപി നഗർ നാലാം ഘട്ടം മുതൽ മൈസൂരു റോഡ് സ്റ്റേഷൻ വരെയുള്ള സർവ്വേക്ക് 1.32 കോടി രൂപയാണ് ചെലവ് കണക്കാക്കുന്നത്. സർവേ അഞ്ച് മാസത്തിനുള്ളിൽ പൂർത്തിയാക്കണമെന്ന് ബിഎംആർസിഎൽ നിർദേശിച്ചിട്ടുണ്ട്.
സർവേ ആരംഭിച്ച് 15 മാസത്തിനുള്ളിൽ റിപ്പോർട്ടും സമർപ്പിക്കാൻ കമ്പനികളോട് ആവശ്യപ്പെട്ടിട്ടുണ്ട്. ആകെ 44.65 കിലോമീറ്റർ ദൂരവും 31 സ്റ്റേഷനുകളുമുള്ള 2 മെട്രോ ഇടനാഴികളാണ് മൂന്നാം ഘട്ടത്തിലുള്ളത്. ജെപി നഗർ നാലാം ഫേസ് മുതൽ കെംപാപുര വരെ 32.15 കിലോമീറ്ററും (21 സ്റ്റേഷൻ), ഹൊസഹള്ളി മുതൽ കഡംബഗരെ വരെ 12.5 കിലോമീറ്ററുമാണ് (9 സ്റ്റേഷൻ) മൂന്നാം ഘട്ടത്തിൽ വരുന്നത്.ഇതോടെ ബെംഗളൂരു നഗരത്തിലെ മെട്രോ സർവീസിന്റെ ആകെ നീളം 220.2 കിലോമീറ്ററാകും.
TAGS: BENGALURU | NAMMA METRO
SUMMARY: Geo survey for namma metro third phase kicked off
WhatsApp
Telegram
