ബെംഗളൂരു: ശിവമോഗ വിമാനത്താവളത്തില്‍ നിന്ന് കൂടുതല്‍ സര്‍വീസുകള്‍ ആരംഭിക്കുന്നു. രാത്രി വിമാന സര്‍വീസുകളിലൂടെയാണ് അധിക സര്‍വീസുകള്‍ ആരംഭിക്കുകയെന്ന് സംസ്ഥാന വ്യവസായ വികസന കോര്‍പ്പറേഷന്‍ ചെയര്‍മാന്‍ എസ്.ജി. നഞ്ചയ്യനമഠ് അറിയിച്ചു.
കൂടുതല്‍ സര്‍വീസുകളുമായി നാല് മാസത്തിനുള്ളില്‍ വിമാനത്താവളത്തില്‍ നിന്ന് രാത്രി വിമാന സര്‍വീസുകള്‍ ആരംഭിക്കാനാണ് നീക്കമെന്നും അദ്ദേഹം അറിയിച്ചു. നിലവില്‍, രാഷ്ട്രകവി കുവേംപു വിമാനത്താവളത്തില്‍ പകല്‍ സമയങ്ങളില്‍ മാത്രമേ വിമാന സര്‍വീസുകള്‍ നടത്തുന്നുള്ളു.
ബാക്കിയുള്ള സിവില്‍ ജോലികള്‍, ലൈറ്റിംഗ് സംവിധാനം, നൈറ്റ്-ലാന്‍ഡിംഗ് സൗകര്യങ്ങള്‍ എന്നിവയുടെ ടെന്‍ഡര്‍ നടപടികള്‍ പൂര്‍ത്തിയായി. വിമാനത്താവളത്തിനായി നീക്കിവച്ചിരിക്കുന്ന 780 ഏക്കറില്‍ 111 ഏക്കര്‍ ഹോട്ടലുകള്‍, മാളുകള്‍, വാണിജ്യ സമുച്ചയങ്ങള്‍ എന്നിവ നിര്‍മ്മിക്കുന്നതിനായി സ്വകാര്യ സ്ഥാപനങ്ങള്‍ക്ക് 30 വര്‍ഷത്തെ പാട്ടത്തിന് നല്‍കാന്‍ കോര്‍പ്പറേഷന്‍ പദ്ധതിയിടുന്നതായും കഅെദ്ദേഹം അറിയിച്ചു. ഇതിലൂടെ വിമാനത്താവള വികസനത്തിന് കൂടുതല്‍ ഫണ്ട് കണ്ടെത്താനാകുമെന്നും അദ്ദേഹം അറിയിച്ചു.
SUMMARY: Good news for passengers; More services to start from Shivamogga Airport
