കനത്ത മഴയ്ക്ക് സാധ്യത; കര്‍ണാടകയിലെ മൂന്ന്‌ ജില്ലകളില്‍ റെഡ് അലര്‍ട്ട്

ബെംഗളൂരു: സംസ്ഥാനത്തെ വിവിധ ജില്ലകളില്‍ വരും ദിവസങ്ങളില്‍ കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. മൂന്ന് ജില്ലകളില്‍ റെഡ് അലര്‍ട്ട് പുറപ്പെടുവിച്ചു. ഉത്തര കന്നഡ, ധാര്‍വാഡ്, ശിവമോഗ എന്നിവിടങ്ങളിലാണ് റെഡ് അലര്‍ട്ട്. മൂന്ന് ജില്ലകളിലേയും പരമാവധി കാറ്റിന്റെ വേഗത മണിക്കൂറില്‍ 41-61 കിലോമീറ്റര്‍ ആണ്.

ചൊവ്വാഴ്ചയും സംസ്ഥാനത്തിന്റെ വിവിധ ഭാഗങ്ങളില്‍ ശക്തമായ മഴ പെയ്തിരുന്നു. രാവിലെ 8.30നും വൈകുന്നേരം 5.30നും ഇടയില്‍ ഗദഗില്‍ 17.6 മില്ലിമീറ്റര്‍ മഴ രേഖപ്പെടുത്തി. ധാര്‍വാഡ് (8.4 മില്ലിമീറ്റര്‍), ദാവന്‍ഗെരെ (3.0 മില്ലിമീറ്റര്‍), കാര്‍വാര്‍ (0.2 മില്ലിമീറ്റര്‍) എന്നിവിടങ്ങളിലും ശക്തമായ രേഖപ്പെടുത്തി. കുടകില്‍ 31.9 ഡിഗ്രി സെല്‍ഷ്യസ് മുതല്‍ കലബുറഗിയില്‍ 38.6 ഡിഗ്രി സെല്‍ഷ്യസ് വരെയും ബെംഗളൂരുവില്‍ 33.3 ഡിഗ്രി സെല്‍ഷ്യസ് മുതല്‍ 34.8 ഡിഗ്രി സെല്‍ഷ്യസ് വരെയും താപനില രേഖപ്പെടുത്തി. ബെംഗളൂരുവില്‍, അടുത്ത 12 മണിക്കൂര്‍ കാലാവസ്ഥ ഭാഗികമായി മേഘാവൃതമായ ആകാശമായിരിക്കും. പരമാവധി താപനില 33 ഡിഗ്രി സെല്‍ഷ്യസും കുറഞ്ഞത് 22 ഡിഗ്രി സെല്‍ഷ്യസും ആയിരിക്കുമെന്ന് ഐഎംഡി അറിയിച്ചു.

TAGS: KARNATAKA | RAIN
SUMMARY: Heavy rainfall predicted in parts of karnataka in upcoming days