ബെംഗളൂരു: കര്‍ണാടകയിലെ വിവിധ ജില്ലകളില്‍ കനത്ത മഴ തുടരുന്നു. മുന്‍കരുതല്‍ നടപടികളുടെ ഭാഗമായി താഴെ പറയുന്ന ജില്ലകളില്‍ ഇന്ന് അവധി പ്രഖ്യാപിച്ചിട്ടുണ്ട്. സംസ്ഥാനത്തെ തീരദേശ-മലനാട് ഭാഗങ്ങളിലാണ് മഴ കനത്തത്.
ദക്ഷിണ കന്നഡ ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും ഇന്ന് അവധി നല്‍കിയിട്ടുണ്ട്. ഉത്തര കന്നഡ ജില്ല ഹൊന്നാവര താലൂക്ക്, ചിക്കമഗളൂരു ജില്ലയിലെ കൊപ്പ, ശൃംഗേരി, മൂടിഗെരെ, എൻ.ആർ.പുര, കളസ, ചിക്കമഗളൂരു, കസബ, അമ്പളെ, ആൽദൂർ, വസ്താരെ, ഖാൻഡ്യ, ആവതി, ജാഗര ഹോബലി താലൂക്കുകളിലും തരീകെരെ താലൂക്കിലെ ലിംഗദഹള്ളി, ലക്കവള്ളി ഹോബലി എന്നിവിടങ്ങളിലം ഇന്ന് അവധി പ്രഖ്യാപിച്ചിട്ടുണ്ട്. അംഗനവാടികള്‍, പ്രൈമറി,ഹൈ സ്കൂളുകള്‍ എന്നിവ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്കാണ് അവധി നല്‍കിയത്.
SUMMARY: Heavy rains continue; holiday for educational institutions today in various taluks of 3 districts including Dakshina Kannada district
